Бадра Гәынба ажәлар ирыдиныҳәалеит аҳҭнықалақь Аҟәа 2510 шықәса ахыҵра
12:20 05.07.2026 (ирҿыцуп: 12:38 05.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 5 — Sputnik. Бадра Гәынба ажәлар ирыдиныҳәалеит аҳҭнықалақь Аҟәа 2510 шықәса ахыҵра.
"Аԥсны иқәынхо зегьы ҳзы Аҟәа ҳҳәынҭқарреи, ҳҭоурыхи, ҳкультуреи, Ҳаԥсадгьыл ахь иҳамоу абзиабареи ирсимволуп. Ара ҷыдала иуныруеит аамҭақәа реимадара, ара ажәытәи аҿатәи реинырра иабзоураны даҽакы иаламҩашьо ҳақалақь ссир ахаҿра аԥырҵоит", — иҳәеит иара.
Атәыла ахада иазгәеиҭеит Аҟәа ақалақь аҿы ишынхо уи гәыкала бзиа избо, збаҩхатәреи зџьабааи рыла есҽны ақалақь аԥшӡара еихазҳауа, аҿиара, аизҳазыӷьараҟны злагала ду ауаа.
"Иацоуп аҳҭнықалақь ауааԥсыреи асасцәеи зегь реиҳа бзиа ирбо аҭыԥқәа ируаку аиҭашьақәыргылара ашьҭахь ирҿыцу аԥшаҳәа аартра аналыршахаз. Ари раԥхьа иргыланы, аҭыԥантәи ауааԥсыра рыԥсҭазаара аиӷьтәразы аҳәынҭқарра аҿаԥхьа иқәгылоу ауснагӡатәқәа ируакын. Ҳгәы иаанагоит уи қәҿиарала анагӡара алыршахеит ҳәа", — азгәаҭоуп адныҳәалараҿы.
Гәынба иажәақәа рыла, атәыла анапхгара аринахысгьы Аҟәа ҳаамҭа иақәшәо, зҭоурых дуу, изыԥсоу аҳаҭыр ашьҭыхразы ирылшо зегь ҟарҵалоит.
"Иацоуп аҳҭнықалақь ауааԥсыреи асасцәеи зегь реиҳа бзиа ирбо аҭыԥқәа ируаку аиҭашьақәыргылара ашьҭахь ирҿыцу аԥшаҳәа аартра аналыршахаз. Ари раԥхьа иргыланы, аҭыԥантәи ауааԥсыра рыԥсҭазаара аиӷьтәразы аҳәынҭқарра аҿаԥхьа иқәгылоу ауснагӡатәқәа ируакын. Ҳгәы иаанагоит уи қәҿиарала анагӡара алыршахеит ҳәа", — азгәаҭоуп адныҳәалараҿы.
Гәынба иажәақәа рыла, атәыла анапхгара аринахысгьы Аҟәа ҳаамҭа иақәшәо, зҭоурых дуу, изыԥсоу аҳаҭыр ашьҭыхразы ирылшо зегь ҟарҵалоит.
