Аҟәатәи аиндустриатә коллеџь еиҭашьақәыргылахоит Санкт-Петербург ацхыраарала
14:57 07.07.2026 (ирҿыцуп: 16:32 07.07.2026)
© Sputnik / Марианна Кубрава
Анапаҵаҩра
АҞӘА, ԥхынгәы 7 — Sputnik. Аҟәатәи аиндустриатә коллеџь еиҭашьақәыргылахоит Санкт-Петербург ацхыраарала.
Аԥсны аԥыза-министр Владимир Делбеи Урыстәыла аҩадатәи аҳҭнықалақь агубернатор Александр Беглови Аԥсны Аҵара аминистрра ахада Хана Гәынԥҳа дрыцны аколлеџь иаԥну аҵакыреи ахыбра ахаҭеи гәарҭеит.
Аԥсны аԥыза-министр Владимир Делбеи Урыстәыла аҩадатәи аҳҭнықалақь агубернатор Александр Беглови Аԥсны Аҵара аминистрра ахада Хана Гәынԥҳа дрыцны аколлеџь иаԥну аҵакыреи ахыбра ахаҭеи гәарҭеит.
Беглов иажәақәа рыла, Петербург ахыдҵақәа ахахьы иагоит аколлеџь шьаҭанкылатәи аиҭашьақәыргылареи, акорпус ҿыци, аспортзали, азеиԥшнхарҭеи рыргыларазы.
Иара убасгьы, аԥснытәи абитуриентцәа алшара рыҭахоит Санкт-Петербург апрофильтә усҳәарҭақәа рҿы аҵараҵаразы, арҵаҩцәа ирылшоит рзанааҭтә дырра аизырҳаразы акурсқәа рхысра. Апроекти иахәҭоу адокументациеи разырхиаразы шықәсыбжак аҟара аҭаххоит ҳәа азгәеиҭеит иара.
Хана Гәынԥҳа Александр Беглов ҭабуп ҳәа иалҳәеит, иазгәалҭеит аҭагылазаашьа шыуадаҩызгьы аколлеџь аҿы еснагь аҵараҵара зҭахыз шыҟаз, избанзар араҟа акыр шықәса аус руеит зыҩаӡара ҳараку адырра бзиақәа узҭо арҵаҩратә коллектив.
Лара агәыӷра аалырԥшит ԥхьаҟатәи аусеицуреи, аҵарадырра ахаҭабзиара аиӷьтәреи, аусбарҭа амодернизациеи шалыршахо азы.
Аҟәатәи аиндустриатә коллеџь ргылан 1957 шықәсазы. Иахьа уаҟа аҵара рҵоит 100-ҩык инареиҳаны.
Хана Гәынԥҳа Александр Беглов ҭабуп ҳәа иалҳәеит, иазгәалҭеит аҭагылазаашьа шыуадаҩызгьы аколлеџь аҿы еснагь аҵараҵара зҭахыз шыҟаз, избанзар араҟа акыр шықәса аус руеит зыҩаӡара ҳараку адырра бзиақәа узҭо арҵаҩратә коллектив.
Лара агәыӷра аалырԥшит ԥхьаҟатәи аусеицуреи, аҵарадырра ахаҭабзиара аиӷьтәреи, аусбарҭа амодернизациеи шалыршахо азы.
Аҟәатәи аиндустриатә коллеџь ргылан 1957 шықәсазы. Иахьа уаҟа аҵара рҵоит 100-ҩык инареиҳаны.
