Лыхны ақыҭан арыжәтәқәа ахьыҟарҵо азауад аусура иаладыргоит ԥхынгәымза анҵәамҭазы
18:21 09.07.2026 (ирҿыцуп: 18:39 09.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 9 — Sputnik. Гәдоуҭа араион Лыхны ақыҭан арыжәтәқәа ахьыҟарҵо азауад "Кристалл" аусура иаладыргоит ԥхынгәымза анҵәамҭазы, абри атәы Sputnik иазеиҭеиҳәеит анаплакы адиректор хада Алхас Гыцба.
Аинвестициатә проект нагӡахоит урыстәылатәи абанк ВТБ аԥарақәа рыла 2022-2025 шықәсқәа рзтәи альготатә кредит аҭара апрограмма аҳәаақәа ирҭагӡаны.
"Лыхны" абренд иаҵанакуа аалыҵ асиа ианылоит алимонадқәа, ачаи хьшәашәақәа, ауараш еиқәа, ауараш шкәакәа, иара убас азауад аҵакыраҿы артезиантә кылҵәара аҟынтәи иҵырхуа агаз змоуи, агаз змами аӡы.
Азауад амчхарақәа иалдыршоит сааҭк ала х-нызқь аихатәи асаркьатәи ԥаҭлыка рҭыжьра, ҩ-нызқь — апластикатә ԥаҭлыкақәа. Амчхарақәа анеизҳалак шықәсык ахь 2,5 млн ԥаҭлыка рҟынӡа ҭыжьлахоит иҳәеит Гыцба.
Иахьазы иаԥҵоуп 30 усурҭатә ҭыԥ, 60 рҟынӡа арҭбаара алшоит иҳәеит иара.
Апроект азеиԥш хәыԥса 863,4 млн мааҭ рҟынӡа инаӡоит, урҭ рахьынтә 723 млн — ԥсахратәқәоуп.
Аинвестициатә проект нагӡахоит урыстәылатәи абанк ВТБ аԥарақәа рыла 2022-2025 шықәсқәа рзтәи альготатә кредит аҭара апрограмма аҳәаақәа ирҭагӡаны.
"Лыхны" абренд иаҵанакуа аалыҵ асиа ианылоит алимонадқәа, ачаи хьшәашәақәа, ауараш еиқәа, ауараш шкәакәа, иара убас азауад аҵакыраҿы артезиантә кылҵәара аҟынтәи иҵырхуа агаз змоуи, агаз змами аӡы.
Азауад амчхарақәа иалдыршоит сааҭк ала х-нызқь аихатәи асаркьатәи ԥаҭлыка рҭыжьра, ҩ-нызқь — апластикатә ԥаҭлыкақәа. Амчхарақәа анеизҳалак шықәсык ахь 2,5 млн ԥаҭлыка рҟынӡа ҭыжьлахоит иҳәеит Гыцба.
Иахьазы иаԥҵоуп 30 усурҭатә ҭыԥ, 60 рҟынӡа арҭбаара алшоит иҳәеит иара.
Апроект азеиԥш хәыԥса 863,4 млн мааҭ рҟынӡа инаӡоит, урҭ рахьынтә 723 млн — ԥсахратәқәоуп.
