Тапаӷәуа: Аҳәынҭбызшәа адырразы аҭахрақәа аиашареи аиҟарареи апринципқәа рыла знеишьоуп
13:25 11.07.2026 (ирҿыцуп: 13:53 11.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 11 — Sputnik. Апарламент ахь акандидатцәа аҳәынҭқарратә бызшәа рдырразы аҭахрақәа шьаҿа-шьаҿала ралагалара — аиашареи аиҟарареи апринципқәа рыла знеишьоуп ҳәа азиԥхьаӡоит аполитикатә усзуҩы Баҭал Тапаӷәуа.
Аԥсны ахада Бадра Гәынба Жәлар Реизарахь инаишьҭит азакәан, Апарламент ахь акандидатцәа аҳәынҭқарратә бызшәазы рдыррақәа агәаҭаразы алагала. Уа иарбоу ажәалагала амч аиуеит аԥсуаа рзы 2027 шықәса инаркны, адепутатрахь иқәгыло егьырҭ атәылауаа зегьы рзы 2032 шықәса инаркны.
Аԥсны ахада Бадра Гәынба Жәлар Реизарахь инаишьҭит азакәан, Апарламент ахь акандидатцәа аҳәынҭқарратә бызшәазы рдыррақәа агәаҭаразы алагала. Уа иарбоу ажәалагала амч аиуеит аԥсуаа рзы 2027 шықәса инаркны, адепутатрахь иқәгыло егьырҭ атәылауаа зегьы рзы 2032 шықәса инаркны.
"Сгәанала, ари зегь рыла ииашоу ӡбароуп. Аԥсуа милаҭ иатәу ахаҿқәа хымԥада агәаҭарақәа ирхысроуп, насгьы аҳәынҭқарратә бызшәа рдыруазароуп. Егьырҭ амилаҭқәа ракәзар — хәышықәса аамҭа рымоуп абызшәа аҵаразы. Макьана зегьы иахьынӡақәнагоу абызшәа рдырыртә аҭагылазаашьа аԥҵам. Иахәҭоу апрограммақәа ыҟоуп, аха урҭ рымҽхак азхом", — иҳәеит иара.
Аҳәынҭқарра ахада, иара убасгьы, аԥшьгара ҟаиҵеит Жәлар Реизарахь инеиуа адепутат аԥсышәала аҭоуба идкылара алагалара.
Тапаӷәуа игәаанагарала, ари анорма апарламент адепутатцәа ауаажәларра рҿаԥхьа иҷыдоу аморалтә уалԥшьа рыднаҵоит.
Тапаӷәуа игәаанагарала, ари анорма апарламент адепутатцәа ауаажәларра рҿаԥхьа иҷыдоу аморалтә уалԥшьа рыднаҵоит.
"Сара агәра згоит, Апарламент аҭоуба аҵакы ала аҳәынҭқарра ахада идикыло аҭоуба ишазааигәоу. Уи зегь рыла иҵаҵӷәыркуп, избанзар, Апарламент азакәанԥҵаратә усбарҭоуп, аҳәынҭқарра ашьаҭа хадақәа иреиуоуп. Агәра ганы сыҟоуп, абызшәа аҵаразы хәышықәса аамҭа змоугьы, аҭоуба атекст ҵаны аԥсышәала ишрыдыркылоу азы. Азнеишьа зегь рыла ииашоуп: ари ҳҳәынҭқарра шьақәнарӷәӷәоит, иагьаҳәоит адепутат ихатәы интересқәа рапхьа аҳәынҭқарратә интересқәа иргылар шахәҭоу. Ауаажәларра ринтересқәа рыжьчара иазынархоуп", — ҳәа азгәеиҭеит аексперт.
