Ииультәи ажәылараҿ иҭахаз Пицундатәи абаталион аибашьцәа рбаҟа аадыртит Гәыма ақыҭан
19:38 12.07.2026 (ирҿыцуп: 21:37 12.07.2026)
© Sputnik
Анапаҵаҩра
АҞӘА, ԥхынгәы 12 — Sputnik. 1993 шықәсазы Ииультәи ажәылараҿ иҭахаз Пицундатәи абаталион аибашьцәа рбаҟа аадыртит Гәыма ақыҭан.
Абаҟа шьақәыргылоуп зашьцәа Аԥсадгьыл ахьчара зхы ақәызҵаз Адгәыр Ҳагәышьи Нодар Цәышбеи раԥшьгарала. Раԥхьатәи агәалашәаратә хаҳә ари аҭыԥ аҿы ишьҭалҵеит ажәылараҿы зԥеи зыԥшәмеи ҭахаз Зинаида Папцааԥҳа.
Абаҟа аартра иалахәын аветеранцәеи иҭахаз рыуацәеи, урҭ афырхацәа минуҭктәи аҿымҭрала иргәаладыршәеит, амемориал ҿыц амҵан ашәҭ шьыҵәрақәа шьҭарҵеит ҳәа аанацҳауеит "Аԥсныпресс".
Аԥсны ахақәиҭразы ажәыларақәа раан иҭахеит 11-ҩык абаталион аибашьцәа: Михаил Дбар, Анатоли Коркиа, Баҭаҟәа Лолуа, Мироди Едуарди Папцаа, Александр Панамарчук, Аслани Владимири Ҳагәышь, Нугзар Харчлаа, Валико Цәышба, Заур Чехьериа.
Абаталион акомандаҟаҵаҩыс дыҟан Леон иорден занашьоу Нугзар Делба. Архәҭа иаҵанакуан Пицунда, Лӡаа, Асечко, Уаҭҳара, Алаҳаӡы, иара убас еиуеиԥшым амилаҭқәа ирыҵанакуаз хатәгәаԥхарала еибашьуаз назлаз х-ротак.
Пицундатәи абаталион аибашьцәа ареспублика иреиҳаӡоу арратә ҳамҭа — "Аԥсны Афырхаҵа" ҳәа ахьӡ рыхҵоуп: Зурик Папаа, Валера Шулумба, Ганга Кардиа, Лиалиа Паразиа, Дауҭ Зарданиа.
Абаҟа шьақәыргылоуп зашьцәа Аԥсадгьыл ахьчара зхы ақәызҵаз Адгәыр Ҳагәышьи Нодар Цәышбеи раԥшьгарала. Раԥхьатәи агәалашәаратә хаҳә ари аҭыԥ аҿы ишьҭалҵеит ажәылараҿы зԥеи зыԥшәмеи ҭахаз Зинаида Папцааԥҳа.
Абаҟа аартра иалахәын аветеранцәеи иҭахаз рыуацәеи, урҭ афырхацәа минуҭктәи аҿымҭрала иргәаладыршәеит, амемориал ҿыц амҵан ашәҭ шьыҵәрақәа шьҭарҵеит ҳәа аанацҳауеит "Аԥсныпресс".
Аԥсны ахақәиҭразы ажәыларақәа раан иҭахеит 11-ҩык абаталион аибашьцәа: Михаил Дбар, Анатоли Коркиа, Баҭаҟәа Лолуа, Мироди Едуарди Папцаа, Александр Панамарчук, Аслани Владимири Ҳагәышь, Нугзар Харчлаа, Валико Цәышба, Заур Чехьериа.
Абаталион акомандаҟаҵаҩыс дыҟан Леон иорден занашьоу Нугзар Делба. Архәҭа иаҵанакуан Пицунда, Лӡаа, Асечко, Уаҭҳара, Алаҳаӡы, иара убас еиуеиԥшым амилаҭқәа ирыҵанакуаз хатәгәаԥхарала еибашьуаз назлаз х-ротак.
Пицундатәи абаталион аибашьцәа ареспублика иреиҳаӡоу арратә ҳамҭа — "Аԥсны Афырхаҵа" ҳәа ахьӡ рыхҵоуп: Зурик Папаа, Валера Шулумба, Ганга Кардиа, Лиалиа Паразиа, Дауҭ Зарданиа.
