Етлухов ироман "Аԥсуа ҩы" ашьаҭала асахьаркыратә фильм аҭыхрақәа ирылагеит Аԥсны
18:18 17.07.2026 (ирҿыцуп: 18:50 17.07.2026)
© Sputnik / Наталья Селиверстова
Анапаҵаҩра
АҞӘА, ԥхынгәы 17 — Sputnik. Абаза шәҟәыҩҩы Олег Етлухов ироман "Аԥсуа ҩы" ашьаҭала зметраж дуу асахьаркыратә фильм аҭыхрақәа ирылагеит Аԥсны.
Аҭыхрақәа актәи амш мҩаԥысит Очамчыра араион Гәыԥ ақыҭан.
Афильм "амҩатә кино" (роуд-муви-азгә.) ажанр ала иҭыххоит. Асиужет ала ҩыџьа афырхацәа Черкесскынтәи Аԥсныҟа амҩа иқәлоит. Урҭ рныҟәараан еиҭаҳәахоит афырԥҳәызба хада лан илызку лгәалашәарақәеи, акультуреи, аҭоурыхи, иара убас Аԥсны жәлар Рџьынџьтәылатә еибашьра иадҳәалоу ахҭысқәеи.
Арежиссиор-ақәыргылаҩ Инар Нарманиа ишазгәеиҭаз ала, афильм еиҭанаҳәоит "ауаа рлахьынҵа, рызаҵәра, насыԥ змоу рныҟәара".
Акреативтә продиусер Наур Гармелиа иажәақәа рыла, асахьа авторцәа рҽазыршәоит аԥсуа ҭоурыхқәа раԥҵара, аҭыԥантәи ауааԥсыра иахьынӡалшо аусура радыԥхьалара.
Афильм ҭнахоит урыстәылатәи акиноеилахәыра "Апостреори фильмс" Урыстәыла акультура аминистрра афинанстә цхыраарала. Апроект апродиусер — Сабухи Мамедов.
Аҭыхрақәа мҩаԥыслоит нанҳәамза аҽеиҩшамҭанӡа, афильм аԥхьарбара азгәаҭоуп 2027 шықәсазы.
Аҭыхрақәа актәи амш мҩаԥысит Очамчыра араион Гәыԥ ақыҭан.
Афильм "амҩатә кино" (роуд-муви-азгә.) ажанр ала иҭыххоит. Асиужет ала ҩыџьа афырхацәа Черкесскынтәи Аԥсныҟа амҩа иқәлоит. Урҭ рныҟәараан еиҭаҳәахоит афырԥҳәызба хада лан илызку лгәалашәарақәеи, акультуреи, аҭоурыхи, иара убас Аԥсны жәлар Рџьынџьтәылатә еибашьра иадҳәалоу ахҭысқәеи.
Арежиссиор-ақәыргылаҩ Инар Нарманиа ишазгәеиҭаз ала, афильм еиҭанаҳәоит "ауаа рлахьынҵа, рызаҵәра, насыԥ змоу рныҟәара".
Акреативтә продиусер Наур Гармелиа иажәақәа рыла, асахьа авторцәа рҽазыршәоит аԥсуа ҭоурыхқәа раԥҵара, аҭыԥантәи ауааԥсыра иахьынӡалшо аусура радыԥхьалара.
Афильм ҭнахоит урыстәылатәи акиноеилахәыра "Апостреори фильмс" Урыстәыла акультура аминистрра афинанстә цхыраарала. Апроект апродиусер — Сабухи Мамедов.
Аҭыхрақәа мҩаԥыслоит нанҳәамза аҽеиҩшамҭанӡа, афильм аԥхьарбара азгәаҭоуп 2027 шықәсазы.
