Ацәыргақәҵа "Ҳҩыза Аҟәа" Томск иаартызаауеит ԥхынгәы 22-нӡа
17:37 19.07.2026 (ирҿыцуп: 18:05 19.07.2026)
© Sputnik
Анапаҵаҩра
Ацәыргақәҵаҿ еизгоуп ақалақь аҵараиурҭа аҵаҩцәа хәажәкырамзазы Аԥсныҟа рааран иҭырхыз аԥсуа аҳҭнықалақь афотосахьақәа.
АҞӘА, ԥхынгәы 19 — Sputnik. Томск ҳаамҭазтәи акультура ацентр аҟны иаатыз ацәыргақәҵа "Ҳҩыза Аҟәа. Астереотипқәа рынҭыҵтәи аекспедициа" аинтерес ду цәырнагеит ҳәа Sputnik иазеиҭалҳәеит Томсктәи аҳәынҭқарратә университет арҵаҩы Ирина Корнева.
Ацәыргақәҵа ԥхынгәы 22-нӡа имҩаԥыслоит. Еизгоуп ақалақь аҵараиурҭа аҵаҩцәа хәажәкырамзазы Аԥсныҟа рааран иҭырхыз аԥсуа аҳҭнықалақь афотосахьақәа.
"Еиуеиԥшым акурсқәа рҿы аҵара зҵо адокументалтә фотоҭыхыҩцәа рҭыхымҭақәа роуп. Дҵас иҳаман аԥсшьацәа ирымбац Аҟәа аарԥшра. Ҳара иаҳҭахын акурорттә стереотипқәа ҳҽырзааигәаҳамтәырц, уи ҳалшеит. Ацәыргақәҵа аҭааҩцәа аӡәырҩы ирҳәоит, Аҟәа зынӡа ирзымдыруаз аган шааҳартыз", — ҳәа азгәалҭеит лара.
Ацәыргақәҵа ԥхынгәы 22-нӡа имҩаԥыслоит. Еизгоуп ақалақь аҵараиурҭа аҵаҩцәа хәажәкырамзазы Аԥсныҟа рааран иҭырхыз аԥсуа аҳҭнықалақь афотосахьақәа.
"Еиуеиԥшым акурсқәа рҿы аҵара зҵо адокументалтә фотоҭыхыҩцәа рҭыхымҭақәа роуп. Дҵас иҳаман аԥсшьацәа ирымбац Аҟәа аарԥшра. Ҳара иаҳҭахын акурорттә стереотипқәа ҳҽырзааигәаҳамтәырц, уи ҳалшеит. Ацәыргақәҵа аҭааҩцәа аӡәырҩы ирҳәоит, Аҟәа зынӡа ирзымдыруаз аган шааҳартыз", — ҳәа азгәалҭеит лара.
Корнева лажәақәа рыла, ақалақь ауааԥсыра аӡәырҩы ирыздыруамызт Аҟәа арҿиаратә, акультуратә, асоциалтә, аҭҵаарадырратә ԥсҭазаара абас активла уагәыланахалартә ишыҟоу.
Томсктәи аҳәынҭқарратә университет арҵаҩцәеи астудентцәеи Аԥсны иаҭааит ААУ ааԥхьарала. Дара ргәы иҭоуп жьҭаарамзазы Россотрудничество Аԥсны имҩаԥнаго арҵаратә цәыргақәҵа рхы аладырхәырц.
Корнева иацылҵеит, усҟан адокументалтә фотосахьа авторцәа рыдагьы, Аԥсны аҳҭнықалақь аҿы аусура зылшаша адокументалтә кино афакультет астудентцәагьы шаауа.
Ацәыргақәҵазы лцәаныррақәа ҳацеиҩылшеит Томсктәи аобласт аҿы инхо Севилла Кереџьи-оӷлы. Лара лан шьҭрала Очамчыратәын, 1949 шықәсазы лани лаби Сибраҟа идәықәырҵеит.
"Афотосахьақәа зегьы улаԥш рыдхалоит иара иҭыху аҭыԥ аҿы уҟаҵәҟьоушәа. Афотоҭыхыҩк дшахцәажәараз сыздыруам, аха ҳанахәаԥшуа уаҵәҟьа ҳаҟоушәа, иаҳдыруа аҭыԥқәа еилаҳкаауеит", — лҳәеит лара.
Томсктәи аҳәынҭқарратә университет арҵаҩцәеи астудентцәеи Аԥсны иаҭааит ААУ ааԥхьарала. Дара ргәы иҭоуп жьҭаарамзазы Россотрудничество Аԥсны имҩаԥнаго арҵаратә цәыргақәҵа рхы аладырхәырц.
Корнева иацылҵеит, усҟан адокументалтә фотосахьа авторцәа рыдагьы, Аԥсны аҳҭнықалақь аҿы аусура зылшаша адокументалтә кино афакультет астудентцәагьы шаауа.
Ацәыргақәҵазы лцәаныррақәа ҳацеиҩылшеит Томсктәи аобласт аҿы инхо Севилла Кереџьи-оӷлы. Лара лан шьҭрала Очамчыратәын, 1949 шықәсазы лани лаби Сибраҟа идәықәырҵеит.
"Афотосахьақәа зегьы улаԥш рыдхалоит иара иҭыху аҭыԥ аҿы уҟаҵәҟьоушәа. Афотоҭыхыҩк дшахцәажәараз сыздыруам, аха ҳанахәаԥшуа уаҵәҟьа ҳаҟоушәа, иаҳдыруа аҭыԥқәа еилаҳкаауеит", — лҳәеит лара.
