Путин: Урыстәыла ажәлар ахаангьы аӡәгьы изырҟәӡом. Уи аҩыза бзанҵык иҟамлац — иагьыҟалом
15:17 27.07.2026 (ирҿыцуп: 15:36 27.07.2026)
© Sputnik / Сергей Бобылев
Анапаҵаҩра
Владимир Путин Урыстәыла Аҳәынҭқарратә Дума аабатәи ааԥхьара адепутатцәа дырԥылеит ԥхынгәы 27 рзы
АҞӘА, ԥхынгәы 27 — Sputnik. "Урыстәыла ажәлар ахаангьы аӡәгьы изырҟәӡом. Уи аҩыза бзанҵык иҟамлац — иагьыҟалом", — иҳәеит Владимир Путин Аҳәынҭқарратә Дума аабатәи ааԥхьара адепутатцәа рԥылараан.
Урыстәылатәи Афедерациа ахада иҳәамҭа хадақәа:
Урыстәылатәи Афедерациа ахада иҳәамҭа хадақәа:
Урыстәыла Арратә операциа ҷыдаҿы ахықәкқәа зегьы нанагӡоит.
Атәылахьчара арӷәӷәара, асоциалтә уснагӡатәқәа рыӡбара, аекономика адгылара иааиуа ахышықәса абиуџьет азы ихадоу, иԥыжәароу ракәны иаанхоит.
Мраҭашәара Урыстәыла иазцәырнаго асанкциақәа рхыԥхьаӡара алагьы, хәарҭара рыламзаара алагьы арекордқәа шьақәнаргылоит, дара ҳтәыла аекономикеи аҭҵаарадырреи рыҵшәаара рҽазыршәоит, аха урҭ аҽазышәарақәа алҵшәа роуӡом.
Урыстәыла аӷацәа аибашьра адәаҿы ақәҿиарақәа анырзымга, атеррористтә методқәа рхы иадырхәо иалагеит.
Имариам аамҭа ҳашҭагылоугьы, аҳәынҭқарра атәылауаа рыбзазара ҷыдала ахшыҩзышьҭра анаҭоит, астратегиатә ӡбамҭақәагьы дара ринтересқәа инарықәыршәаны иаднакылоит.
Арратә операциа ҷыда алахәылацәеи аветеранцәеи, иара убас урҭ рҭаацәарақәеи рзы азинтә хәдықәҵарақәа рсистема аҿиара амоуп.
Урыстәыла атәыла ахьчара иазыхиоуп, ауаажәларреи иареи иарбанызаалак ацәгьа усқәа хьаҳәхьачарада рҿагылара алшоит.
Иҳаҩсыз ахәышықәса Урыстәыла аҭоурых азы иуадаҩын, даара иҭакԥхықәран.
