Анатоли Лагәлаа иажәабжьқәеи иповестқәеи реизга "Аԥсадгьыл — заҵәуп" ӡырган Аҟәа
14:25 30.07.2026 (ирҿыцуп: 18:20 30.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 30 — Sputnik. Анатоли Лагәлаа иажәабжьқәеи иповестқәеи реизга "Аԥсадгьыл — заҵәуп" ӡырган Аԥсуа театр афоие аҿы.
Уи ианылеит автор еиуеиԥшым ашықәсқәа рзы ииҩыз аҩымҭақәа. Аусмҩаԥгатә ахь иааит апоет иуацәеи иҩызцәеи, арҿиаратәи аҭҵаарадырратәи интеллигенциа.
Ашәҟәыҩҩы Даур Наҷҟьебиа иазгәеиҭеит Лагәлаа иажәабжьқәеи иповестқәеи реиҭагақәа аԥсшәеиԥш аурысшәагьы бзианы издыруа ауаа ишынарыгӡаз. Уи иалнаршеит аҵаки асахьаркыратә стили инагӡаны раарԥшра.
Аԥсны ашәҟәыҩҩцәа реидгыла аиҳабы Вахтанг Абҳазоу иажәақәа рыла, Анатоли Лагәлаа поетк иаҳасабала аҩра далагеит, аха ашықәсқәа цацыԥхьаӡа апрозагьы аҩра нап аиркит.
Анатоли Лагәлааи Владимир Занҭариеи ргәалашәара аҳаҭыраз иҭыжьу ашәҟәы 300 цыра ыҟоуп. Лагәлаа иҭаацәа ҭабуп ҳәа рарҳәеит аҭыжьра иацхрааз: Аҟәа ахада Ҭемыр Агрба, "Самшитовая роща" адиректор хада Геннади Аиба, адизаинер Витали Жестков, ашәҟәҭыжьырҭа "Шәача Пресс".
Анатоли Лагәлаа — Асовет Еидгылеи, Аԥсни, Урыстәылеи Рышәҟәыҩҩцәа реидгылақәа дралахәылан. 2004 шықәса раахыс алитературатә-сахьаркыратә журнал "Алашара" аредактор хадас дыҟан. Алитературазы Д. Гәлиа ихьӡ зху аҳәынҭқарратә премиеи, Т. Аџьба ихьӡ зху ахәыҷтәы литературазы аҳәынҭқарратә премиеи дралауреатуп. Аорден "Ахьӡ-Аԥша" III аҩаӡара ианашьоуп.
Иҭыҵхьан иажәеинраалақәеи, иажәабжьқәеи, иповестқәеи еидызкыло 15 инарзынаԥшуа ашәҟәқәа. Иҩымҭақәа еиҭагоуп аурыс, англыз, асерб, аерман, ауаԥс бызшәақәа рахь. Еиуеиԥшым ашықәсқәа рзы имҩаԥигон авторс дызмаз алитературатә дырраҭарақәа Аԥсуа телехәаԥшреи Аԥсуа радиои рҿы.
Иԥсҭазаара далҵит жәабран 15 рзы 64 шықәса дшырҭагылаз. Анышә дамадоуп Ачадара ақыҭан.
Уи ианылеит автор еиуеиԥшым ашықәсқәа рзы ииҩыз аҩымҭақәа. Аусмҩаԥгатә ахь иааит апоет иуацәеи иҩызцәеи, арҿиаратәи аҭҵаарадырратәи интеллигенциа.
Ашәҟәыҩҩы Даур Наҷҟьебиа иазгәеиҭеит Лагәлаа иажәабжьқәеи иповестқәеи реиҭагақәа аԥсшәеиԥш аурысшәагьы бзианы издыруа ауаа ишынарыгӡаз. Уи иалнаршеит аҵаки асахьаркыратә стили инагӡаны раарԥшра.
Аԥсны ашәҟәыҩҩцәа реидгыла аиҳабы Вахтанг Абҳазоу иажәақәа рыла, Анатоли Лагәлаа поетк иаҳасабала аҩра далагеит, аха ашықәсқәа цацыԥхьаӡа апрозагьы аҩра нап аиркит.
Анатоли Лагәлааи Владимир Занҭариеи ргәалашәара аҳаҭыраз иҭыжьу ашәҟәы 300 цыра ыҟоуп. Лагәлаа иҭаацәа ҭабуп ҳәа рарҳәеит аҭыжьра иацхрааз: Аҟәа ахада Ҭемыр Агрба, "Самшитовая роща" адиректор хада Геннади Аиба, адизаинер Витали Жестков, ашәҟәҭыжьырҭа "Шәача Пресс".
Анатоли Лагәлаа — Асовет Еидгылеи, Аԥсни, Урыстәылеи Рышәҟәыҩҩцәа реидгылақәа дралахәылан. 2004 шықәса раахыс алитературатә-сахьаркыратә журнал "Алашара" аредактор хадас дыҟан. Алитературазы Д. Гәлиа ихьӡ зху аҳәынҭқарратә премиеи, Т. Аџьба ихьӡ зху ахәыҷтәы литературазы аҳәынҭқарратә премиеи дралауреатуп. Аорден "Ахьӡ-Аԥша" III аҩаӡара ианашьоуп.
Иҭыҵхьан иажәеинраалақәеи, иажәабжьқәеи, иповестқәеи еидызкыло 15 инарзынаԥшуа ашәҟәқәа. Иҩымҭақәа еиҭагоуп аурыс, англыз, асерб, аерман, ауаԥс бызшәақәа рахь. Еиуеиԥшым ашықәсқәа рзы имҩаԥигон авторс дызмаз алитературатә дырраҭарақәа Аԥсуа телехәаԥшреи Аԥсуа радиои рҿы.
Иԥсҭазаара далҵит жәабран 15 рзы 64 шықәса дшырҭагылаз. Анышә дамадоуп Ачадара ақыҭан.
