2027 шықәсазы Пицунда ахатәы биуџьет 220-230 млн мааҭ рҟынӡа ҟалоит
11:00 11.08.2026 (ирҿыцуп: 11:45 11.08.2026)
© Sputnik / Томас Тхайцук
Анапаҵаҩра
АҞӘА, нанҳәа 11 — Sputnik. 2027 шықәсазы Пицунда ахатәы биуџьет 220-230 млн мааҭ рҟынӡа ҟалоит ҳәа арадио Sputnik аҟны еиҭеиҳәеит Пицунда Ақалақьтә Еизара ахантәаҩы Мураҭ Аџьба.
Иара агәрагара ааирԥшит, ақалақь ахала ахы ахеиҿкаара шалшо, иазгәеиҭеит, уи аҿиара атемпқәа шыҳараку. Аџьба ҿырԥштәык аҳасабала иааигеит — иааиуа ашықәс азы Пицунда асасааирҭа ҿыцқәа хԥа аусура ралагара.
"Ақалақь аҿы иааиԥмырҟьаӡакәа ахыбра ҿыцқәа рыргылара иаҿуп, аиҳарак атуристтә усхк иаҵанакуа – аотельқәа, аресторанқәа, асасааирҭақәа. Ҳахьҿиашеи ҳахьеизҳашеи ыҟоуп. Аргыларақәа ахьымҩаԥысша аҵакырақәа рацәаны иҳамоуп", — азгәеиҭеит иара.
2027 шықәса инаркны Пицунда ахатәы биуџьет амазаара азин аиурц Аԥсны Жәлар Реизара адепутатцәа азакәан апроект иақәшаҳаҭхеит. Ари аҩыза азин аиуит Афон ҿыцгьы — 2028 шықәса рынахыс.
Аџьба иазгәеиҭеит, ахатәы биуџьет аҟазаара ишалнаршо — ӡылеи фымцалашаралеи аиқәыршәаразы иҟоу ауадаҩрақәа рыӡбра, адгьыл ачашәра ашьҭыхразы аусурақәа рымҩаԥгара, аҩнеихагылақәа рыҩнаҵаҟақәа ррыцқьара, ақалақь арԥшӡара.
Иара агәрагара ааирԥшит, ақалақь ахала ахы ахеиҿкаара шалшо, иазгәеиҭеит, уи аҿиара атемпқәа шыҳараку. Аџьба ҿырԥштәык аҳасабала иааигеит — иааиуа ашықәс азы Пицунда асасааирҭа ҿыцқәа хԥа аусура ралагара.
"Ақалақь аҿы иааиԥмырҟьаӡакәа ахыбра ҿыцқәа рыргылара иаҿуп, аиҳарак атуристтә усхк иаҵанакуа – аотельқәа, аресторанқәа, асасааирҭақәа. Ҳахьҿиашеи ҳахьеизҳашеи ыҟоуп. Аргыларақәа ахьымҩаԥысша аҵакырақәа рацәаны иҳамоуп", — азгәеиҭеит иара.
2027 шықәса инаркны Пицунда ахатәы биуџьет амазаара азин аиурц Аԥсны Жәлар Реизара адепутатцәа азакәан апроект иақәшаҳаҭхеит. Ари аҩыза азин аиуит Афон ҿыцгьы — 2028 шықәса рынахыс.
Аџьба иазгәеиҭеит, ахатәы биуџьет аҟазаара ишалнаршо — ӡылеи фымцалашаралеи аиқәыршәаразы иҟоу ауадаҩрақәа рыӡбра, адгьыл ачашәра ашьҭыхразы аусурақәа рымҩаԥгара, аҩнеихагылақәа рыҩнаҵаҟақәа ррыцқьара, ақалақь арԥшӡара.
