Владимир Хаԥсаев ихьӡ зху Нхыҵ-Уаԥстәылатәи атеатр агастрольқәа аманы Аҟәаҟа иааит
14:54 23.08.2026 (ирҿыцуп: 15:27 23.08.2026)
© Sputnik / Томас Тхайцук
Анапаҵаҩра
АҞӘА, нанҳәа 23 — Sputnik. Владимир Хаԥсаев ихьӡ зху Нхыҵ-Уаԥстәылатәи атеатр агастрольқәа аманы Аҟәаҟа иааит.
Иахьа асааҭ 19:00 рзы артистцәа Аԥснытәи атеатр аҿы аспектакль "Гаӡанаа" ықәдыргылоит.
Иахьа асааҭ 19:00 рзы артистцәа Аԥснытәи атеатр аҿы аспектакль "Гаӡанаа" ықәдыргылоит.
"Ҳара Владикавказ еицырдыруа аспектакльқәа руак дҳарбоит. Иара "Ахьтәы сабрада" алонг-бӷьыц ианылеит, Урыстәыла атеатртә қәыргыламҭақәа рыхьтәы фонд иалалеит. Иара убасгьы, идҳарбоит ақәҿиара ду зманы имҩаԥысуа аспектакльқәа "Демон", "Отелло", — ҳәа Sputnik аинтервиу аҭо иҳәеит атеатр арежиссиор, асахьаркыратә напхгаҩы Гиви Валиев.
Иара иазгәеиҭеит, агастрольқәа ирылагӡан рыҽшазыршәаз амилаҭтәи, урыстәылатәи, аҳәаанырцәтәи адраматургиа аарԥшра.
"Аспектакльқәа даҽа сценак аҿы акәын иахьықәҳарылоз, урҭ аԥсуа сцена иашьашәалоу лашара ҿыцла, ашьҭыбжьтә партитура иазҳархиароуп. Актиорцәа ирхашҭроуп атеатр шә-метрак инацәыхараны амшыни аплиажи шыҟоу, аусура нап адыркыроуп", — иҳәеит Валиев.
Уаҵәы ауаԥс артистцәа иқәдыргылоит аспектакль "Адемон", уаҵәашьҭахь — "Отелло".
"Аспектакльқәа даҽа сценак аҿы акәын иахьықәҳарылоз, урҭ аԥсуа сцена иашьашәалоу лашара ҿыцла, ашьҭыбжьтә партитура иазҳархиароуп. Актиорцәа ирхашҭроуп атеатр шә-метрак инацәыхараны амшыни аплиажи шыҟоу, аусура нап адыркыроуп", — иҳәеит Валиев.
Уаҵәы ауаԥс артистцәа иқәдыргылоит аспектакль "Адемон", уаҵәашьҭахь — "Отелло".
