Аԥсны АҶА Ԥсҳәы аиқәырхаҩцәа реиқәыршәара арӷәӷәоит
20:36 24.08.2026 (ирҿыцуп: 23:16 24.08.2026)
© telegram sputnik_apsny_info
Анапаҵаҩра
АҞӘА, нанҳәа 24 — Sputnik. Аԥсны АҶА Ԥсҳәы аиқәырхаҩцәа реиқәыршәара арӷәӷәоит.
Аԥсны Аҭагылазаашьа ҷыдақәа рминистр Алиас Аҩӡба ашьхаҳаракыратә қыҭахь усутә ныҟәарала дцеит, уаҟа АҶА амцарцәара-еиқәырхаратә ҭыԥ хаҭалатәи аилазаара дырԥылеит.
Аусбарҭа аиҳабы аиқәырхаҩцәа русура аҭагылазаашьеи техникала реиқәыршәареи гәеиҭеит ҳәа аанацҳуеит аминистрра апресс-маҵзура.
Аҩӡба иажәақәа рыла, аиқәырхаҩцәа ирҭахуп зымҩасра ӷәӷәоу автомашьынеи асықәныҟәагеи. Ԥсҳәы ақыҭан шықәсык ахь хәымз инарзынаԥшуа асы шьҭахоит.
Аԥхын аиқәырхаҩцәа русура иацлоит атуристцәеи ашьаҟауаа ргәыԥқәеи рхыԥхьаӡара ахьеизҳауа азы. Аамҭа-аамҭала урҭ ирӡызи ааха заузи ирыцхраалар акәхоит ҳәа ацырҵеит аусбарҭаҿы.
Иара убасгьы, аиԥылараҿ АҶА абаза аҭагылазаашьа иалацәажәеит. 200 ԥшьыркца рҟынӡа зҵазкуа ҩ-еихагылак змоу амҿтәы хыбра, аиқәырхаҩцәа рхала идыргылеит. Уажәы аԥенџьырқәеи ашәқәеи ықәыргылатәуп, ахыбра рԥхагала аиқәыршәареи, егьырҭ аусурақәеи мҩаԥгатәуп.
Аиԥылара аихшьаалақәа рыла зегь раԥхьа иргылатәу ауснагӡатәқәа алкаауп.
Аԥсны Аҭагылазаашьа ҷыдақәа рминистр Алиас Аҩӡба ашьхаҳаракыратә қыҭахь усутә ныҟәарала дцеит, уаҟа АҶА амцарцәара-еиқәырхаратә ҭыԥ хаҭалатәи аилазаара дырԥылеит.
Аусбарҭа аиҳабы аиқәырхаҩцәа русура аҭагылазаашьеи техникала реиқәыршәареи гәеиҭеит ҳәа аанацҳуеит аминистрра апресс-маҵзура.
Аҩӡба иажәақәа рыла, аиқәырхаҩцәа ирҭахуп зымҩасра ӷәӷәоу автомашьынеи асықәныҟәагеи. Ԥсҳәы ақыҭан шықәсык ахь хәымз инарзынаԥшуа асы шьҭахоит.
Аԥхын аиқәырхаҩцәа русура иацлоит атуристцәеи ашьаҟауаа ргәыԥқәеи рхыԥхьаӡара ахьеизҳауа азы. Аамҭа-аамҭала урҭ ирӡызи ааха заузи ирыцхраалар акәхоит ҳәа ацырҵеит аусбарҭаҿы.
Иара убасгьы, аиԥылараҿ АҶА абаза аҭагылазаашьа иалацәажәеит. 200 ԥшьыркца рҟынӡа зҵазкуа ҩ-еихагылак змоу амҿтәы хыбра, аиқәырхаҩцәа рхала идыргылеит. Уажәы аԥенџьырқәеи ашәқәеи ықәыргылатәуп, ахыбра рԥхагала аиқәыршәареи, егьырҭ аусурақәеи мҩаԥгатәуп.
Аиԥылара аихшьаалақәа рыла зегь раԥхьа иргылатәу ауснагӡатәқәа алкаауп.
