https://sputnik-abkhazia.info/20260829/1065258253.html

Бадра Гәынба анапынҵа ҟаиҵеит Дәрыԥшь аӡымҩангага аиҭашьақәыргылара иалагарц

Бадра Гәынба анапынҵа ҟаиҵеит Дәрыԥшь аӡымҩангага аиҭашьақәыргылара иалагарц

Sputnik Аҧсны

Аԥхасҭа ҟалеит нанҳәа 27 рзы ақәаршҩы ӷәӷәа ашьҭахь адгьылҳәазара иахҟьаны. Ӡыда иаанхоит быжь-қыҭаки Гәдоуҭа ақалақь аиҳараки. 29.08.2026, Sputnik Аҧсны

2026-08-29T00:16+0300

2026-08-29T00:16+0300

2026-08-29T00:36+0300

аԥсны

ажәабжьқәа

аԥсны

гәдоуҭа араион

https://cdnn1.img.sputnik-abkhazia.info/img/07e9/02/09/1053681340_0:122:1280:842_1920x0_80_0_0_ab6cea0507a343031fc8cdc581f7a391.jpg

АҞӘА, нанҳәа 28 — Sputnik. Бадра Гәынба Акапиталтә ргыларатә усбарҭа анапынҵа риҭеит, аамҭа кьаҿк иалагӡаны Дәрыԥшь аӡымҩангага аиҭашьақәыргылара иалагарц.Аԥсны ахада Гәдоуҭа араион ахада Асҭамыр Аргәыни, акапиталтә ргыларатә усбарҭа анапхгаҩы Демир Гамсаниеи алархәны аилацәажәара мҩаԥигеит. Уи азкын ақыҭа ӡыла еиқәзыршәо, иааидкылан 500 метра инаӡо аӡымҩангага хадақәа ҩба рҿы иҟалаз амашәыр.Аԥхасҭа ҟалеит нанҳәа 27 рзы ақәаршҩы ӷәӷәа ашьҭахь адгьылҳәазара иахҟьаны. Ӡыда иаанхоит быжь-қыҭаки Гәдоуҭа ақалақь аиҳараки. Ақалақь араионқәак рахь аӡы нарышьҭуеит аамҭа-аамҭалатәи аихшанҵа ала ҳәа адырра ҟаиҵеит Асҭамыр Аргәын.Демир Гамсаниа атәыла ахада адырра ииҭеи, аспециалистцәа амашәыр ахьыҟалаз аҭыԥ шгәарҭаз, атехника иԥхасҭахаз аӡымҩангагақәа рахь инеирц 300 метра рҟынӡа амҩа рыцқьатәуп ҳәа шышьақәдыргылаз.Аамҭалатәи ӡбамҭак аҳасабала, иахәаԥшуеит апластикатә ӡымҩангагақәа рышьақәыргылара, анаҩс урҭ аихатәқәа рыла аԥсахра.Аиԥылара аихшьаалақәа рыла атәыла ахада анапынҵа ҟаиҵеит, иахәҭоу атехника уаха аҭыԥ ахь инагазарц, шьыжьнаҵы аиҭашьақәыргыларатә усурақәа ирылагарц.Аҳәынҭқарра ахада имҩаԥгатәу аусқәа шырццактәу иазгәеиҭеит.

гәдоуҭа араион

2026

Ажәабжьқәа

ab_AB

ажәабжьқәа, аԥсны, гәдоуҭа араион