"Имаҭәа амарсеи амарқәеи реиԥш инаалоит" рҳәоит, ауаҩы даара деиҿкааны данеилаҳәоу.
08:20 31.08.2026 (ирҿыцуп: 08:26 31.08.2026)
© telegram sputnik_apsny_info
Анапаҵаҩра
"Имаҭәа амарсеи амарқәеи реиԥш инаалоит" рҳәоит, ауаҩы даара деиҿкааны данеилаҳәоу.
Амарқәеи амарсеи – асырҭы ахәтақәа иреиуоуп (детали ткацкого станка). Ама́рқәа (ткацкий челнок), уи агәаны арахәыц зыкәшо – ама́рса ауп (шпулька).
Асахьаҿы ишыжәбо еиԥш, амарқәа даара анышь иеиԥшуп. Ус анакәха, ажәытә аԥсуа-адыга хылҵшьҭрақәа амшын излахылоз анышьа еизыхәхәақәа, "кама́ры" ҳәа аҭоурых иадыруа, ахьынтәаауа абри ажәа акәзар ҟалоит.
Амшынтә лексика ҭызҵаауа абызшәадырҩы Оҭар Ӡиӡариа ишәҟәаҿы иааигоит авариант "амар" (челнок).
Амарқәа еихатә ҵәымӷ амырбаӡакәа еибырҭон, аганқәа рхахьала еизааигәартәуан, амшын цәгьахозар иаарласны аӷәқәа рыла "ахыб" арҭон, ацәқәырԥ рхымҵәарц.
Асахьа: mastersekret.ru
