Мышәба Аԥснытәи аусхкырацәатә коллеџь шьаҭанкылатәи аиҭашьақәыргылара далацәажәеит
17:55 01.09.2026 (ирҿыцуп: 19:24 01.09.2026)
© Sputnik / Бадрак Авидзба
Анапаҵаҩра
АҞӘА, цәыббра 1 — Sputnik. Аԥснытәи аусхкырацәатә коллеџь ахыбраҿы шьаҭанкылатәи аиҭашьақәыргылара мҩаԥгамызт уи андыргыла 1959 шықәса раахыс ҳәа Sputnik иазеиҭеиҳәеит аусҳәарҭа адиректор Џьумбер Мышәба.
Аԥсни Урыстәылеи реиқәшаҳаҭрала ахыбра аиҭашьақәыргылараҿы афинанстә цхыраара ҟанаҵоит Санкт-Петербург. Уажәы апроект аус адулареи адокументациа азырхиареи иаҿуп.
"Ҳара ҳхаҭақәа аҩнуҵҟатәи акосметикатә ремонт мҩаԥаагон, аха шьаҭанкылатәи аиҭашьақәыргылара ыҟамызт", — ҳәа азгәеиҭеит Мышәба.
Аԥсни Урыстәылеи реиқәшаҳаҭрала ахыбра аиҭашьақәыргылараҿы афинанстә цхыраара ҟанаҵоит Санкт-Петербург. Уажәы апроект аус адулареи адокументациа азырхиареи иаҿуп.
"Ҳара ҳхаҭақәа аҩнуҵҟатәи акосметикатә ремонт мҩаԥаагон, аха шьаҭанкылатәи аиҭашьақәыргылара ыҟамызт", — ҳәа азгәеиҭеит Мышәба.
Аиҭашьақәыргылара ашьҭахь аколлеџь аҿы ицәырҵуеит аспорттә зал ҿыц, 37 ҭыԥ змоу азеиԥшнхарҭа, 12 рҟынӡа кабинет ҳаамҭазтәи алабораториақәа рыла еиқәдыршәоит. Аусурақәа раан аҵара аангылаӡом, аҽазыҟаҵарақәа мҩаԥыргалоит даҽа хыбрак аҿы.
"Аихагылақәа зегьы рҿы шьаҭанкылатәи аиҭашьақәыргылара азԥхьагәаҭоуп. Сара иахьынӡаздыруа, ажәытә спортзал ықәыргоит, уи аҭыԥан х-еихагылак змоу ахыбра аргылара азԥхьагәаҭоуп. Актәи аихагылаҿы иҟалоит аспортзал, аҩбатәи аихагылаҿы — алабораториа, ахԥатәи аихагылаҿы — азеиԥшнхарҭа", — ҳәа ациҵеит Мушба.
"Аихагылақәа зегьы рҿы шьаҭанкылатәи аиҭашьақәыргылара азԥхьагәаҭоуп. Сара иахьынӡаздыруа, ажәытә спортзал ықәыргоит, уи аҭыԥан х-еихагылак змоу ахыбра аргылара азԥхьагәаҭоуп. Актәи аихагылаҿы иҟалоит аспортзал, аҩбатәи аихагылаҿы — алабораториа, ахԥатәи аихагылаҿы — азеиԥшнхарҭа", — ҳәа ациҵеит Мушба.
