Гәынԥҳа: аҵараиурҭақәа рҿы имҩаԥгаз агәаҭарақәа ахьысҳарақәа аадырԥшит
14:58 04.09.2026 (ирҿыцуп: 16:18 04.09.2026)
© Sputnik / Бадрак Авидзба
Анапаҵаҩра
АҞӘА, цәыббра 4 — Sputnik. Иҳаҩсыз аҵарашықәс азы агәаҭаратә усурақәа мҩаԥган Аҵара аминистрра иаҵанакуа аҵараиурҭақәа рҿы, алҵшәақәа даара ахьысҳара аадырԥшит, сынтәа агәаҭаратә усурақәа мҩаԥгахоит ашколқәа зегь рҿы, абас аҳәамҭа ҟалҵеит аминистр Хана Гәынԥҳа, Аҵара аминистрра аколлегиа аилатәараҿы данықәгылоз.
"Иҳаҩсыз аҵарашықәс азы имҩаԥган амаҭәартә олимпиада 4/9/11 акласс аҿы аҵара зҵо аҵаҩцәа рыбжьара. Амаҭәартә олимпиада алҵшәақәа маҭәарқәак рыла удыргәырӷьатә иҟам. Илаҟәуп аматематиказы алҵшәақәа. Ареспубликаҿы иааизакны аиҳабыратә классқәа рҿы амаҭәар ала иаиааиз хҩык роуп иҟоу. Аӡәаӡәа классцыԥхьаӡа. Аиҵбыратә классқәа рҿы ари амаҭәар еиҳа алҵшәа амоуп. Аинтерес абжьаратә классқәа рҿы икаҳауеит, убри зыхҟьо еилкаатәуп", — лҳәеит лара.
Иааидкыланы амаҭәартә олимпиада рхы аладыхәеит 921-ҩык аҵаҩцәа, аихьӡара ҳаракқәа аадырԥшит 242-ҩык.
"Ари 26% роуп иҟанаҵо, ахаҭабзиара лаҟәуп. Ахаҭабзиара алҵшәақәа урыхәаԥшуазар, аԥхьагылара амоуп — Гагра араион, нас — Аҟәа, анаҩс — Гәдоуҭа араион", — ҳәа азгәалҭеит Гәынԥҳа.
"Иҳаҩсыз аҵарашықәс азы имҩаԥган амаҭәартә олимпиада 4/9/11 акласс аҿы аҵара зҵо аҵаҩцәа рыбжьара. Амаҭәартә олимпиада алҵшәақәа маҭәарқәак рыла удыргәырӷьатә иҟам. Илаҟәуп аматематиказы алҵшәақәа. Ареспубликаҿы иааизакны аиҳабыратә классқәа рҿы амаҭәар ала иаиааиз хҩык роуп иҟоу. Аӡәаӡәа классцыԥхьаӡа. Аиҵбыратә классқәа рҿы ари амаҭәар еиҳа алҵшәа амоуп. Аинтерес абжьаратә классқәа рҿы икаҳауеит, убри зыхҟьо еилкаатәуп", — лҳәеит лара.
Иааидкыланы амаҭәартә олимпиада рхы аладыхәеит 921-ҩык аҵаҩцәа, аихьӡара ҳаракқәа аадырԥшит 242-ҩык.
"Ари 26% роуп иҟанаҵо, ахаҭабзиара лаҟәуп. Ахаҭабзиара алҵшәақәа урыхәаԥшуазар, аԥхьагылара амоуп — Гагра араион, нас — Аҟәа, анаҩс — Гәдоуҭа араион", — ҳәа азгәалҭеит Гәынԥҳа.
Ҳусураҿы ҳҵаҩцәа ргәабзиара азҵаара раԥхьа игылоуп, абас аҳәамҭа ҟалҵеит Аҵара аминистр Хана Гәынԥҳа, аминистрра аколлегиа аилатәараҿы данықәгылоз.
"Рлаӡарақәа ԥсыҽуп ҳхәыҷқәа. Убри аҟнытә аспорти абаҩрҵәыреи ашколқәеи аспорттә школқәеи рҿы ирӷәӷәатәуп. Сынтәа аԥхынтәи алагерьқәа ирыцлоит аспорттә лагерь. Сынтәа имҩаԥгахоит ақыҭа школқәа рыбжьара ашьапылампыли, анапылампыли, амҵәышәмпыли рзы аицлабрақәа. Раԥхьа араионқәа рыбжьара, анаҩс ареспубликатә ҩаӡара аҭаны ақыҭа школқәарыбжьара х-хырхарҭак рыла ачемпионат", — лҳәеит лара.
Аминистр лажәақәа рыла, аҵарашықәс ҿыц аплан иарбоуп иубилеитәу аҩажәатәи Арратә-патриотә еицлабра "Аиааира" амҩаԥгара.
Иҳаҩсыз аҵарашықәс аихшьаалақәа, аҵаратә стандарт ҿыцқәа рышьақәырӷәӷәара, аҵарашықәс ҿыц азы апланқәа ирызку Аҵара аминистрра аколлегиа аилатәара мҩаԥысуеит Аҟәа.
2025-2026 аҵарашықәс азы 152 ҳәынҭқарратә школ рҿы аҵара рҵон 28 984 ҩык аҵаҩцәа, иҳәынҭқарратәым ҩ-школк ирхыԥхьаӡалан 428-ҩык аҵаҩцәа. Азанааҭтә ҵараиурҭақәа рҿы аҵара рҵон 608-ҩык астудентцәа. Ашколқәранӡатәи ҵараиурҭақәа ирхыԥхьаӡалан 3 988-ҩык ааӡамҭацәа. Аҵаратә система амаҵ азыруеит 3907-ҩык арҵаҩцәа, 408-ҩык ааӡаҩцәа, 89 - ҩык абжьаратәазанааҭтә ҵараирҭақәа русузуҩцәа. Аус зуа 152 ҳәынҭқарратә школ рҟынтә аԥсуа школқәа — 58 ыҟоуп, ҩ-секторк рыла аус зуа 16-школ, аурыс школқәа — 55, аерман школқәа — 23.
