Бадра Гәынба дрыдышшылеит Исҳаҟ Машбаш иҭаацәа
15:41 08.09.2026 (ирҿыцуп: 15:53 08.09.2026)
© telegram sputnik_apsny_info
Анапаҵаҩра
АҞӘА, цәыббра 8 — Sputnik. Бадра Гәынба Адыгеиа ахада Мураҭ Кумпилови адыга жәлари дрыдышшылеит Исҳаҟ Машбаш иԥсҭазаара иалҵра инамаданы.
Алахьеиқәҵаратә усмҩаԥгатәқәа ирылахәын ахада ихаҭыԥуаҩ Беслан Бигәаа, Аҳәынҭқарра ахада Иусбарҭа анапхгаҩы Беслан Ешбеи. Бигәаа Гәынба ихьӡала адышшыларатә шәҟәы даԥхьеит.
"Адыгеиа дацәыӡит ашәҟәыҩҩы ду, апоет, ахәыцҩы, зыԥсҭазаара зыжәлар гәакьеи алитературеи рымаҵ аура иазызкыз ауаҩы. Иахьа, Аԥсны адыга дунеи зегьи ирыцгәырҩоит. Ҳажәлар рзы Исҳаҟ Машбаш иҟамзаара цәыӡ дууп, харҭәаашьа амаӡам", — аҳәоит атекст аҿы.
Гәынба иҳәеит Машбаш ирҿиареи акыршықәсатәи иуаажәларратә усуреи Аԥсны иузаҟәымҭхо ишадҳәалаз, Баграт Шьынқәба иҩымҭа "Ацынҵәарах" адыга классик игәы шазҭанаҵаз ароман "Алуқәа" аҩра.
"Абас, ҩыџьа ашәҟәыҩҩцәа дуқәа рлитература ианыԥшит ҳажәларқәа рҭоурыхтә лахьынҵақәа реиԥшра. Исҳаҟ Машбаш иаанижьит акыршықәсқәа аԥхьаҩцәа ргәаҿы иаанхо алитературатә ҭынха ду. Ишәҟәқәа дугәаладыршәалоит збаҩхатәрала зыжәлар рҭоурыхи, ркультуреи, рдоуҳатә беиарақәеи реиқәырхара иашьҭаз ауаҩы", — азгәаҭоуп адышшылараҿы.
Алахьеиқәҵаратә усмҩаԥгатәқәа ирылахәын ахада ихаҭыԥуаҩ Беслан Бигәаа, Аҳәынҭқарра ахада Иусбарҭа анапхгаҩы Беслан Ешбеи. Бигәаа Гәынба ихьӡала адышшыларатә шәҟәы даԥхьеит.
"Адыгеиа дацәыӡит ашәҟәыҩҩы ду, апоет, ахәыцҩы, зыԥсҭазаара зыжәлар гәакьеи алитературеи рымаҵ аура иазызкыз ауаҩы. Иахьа, Аԥсны адыга дунеи зегьи ирыцгәырҩоит. Ҳажәлар рзы Исҳаҟ Машбаш иҟамзаара цәыӡ дууп, харҭәаашьа амаӡам", — аҳәоит атекст аҿы.
Гәынба иҳәеит Машбаш ирҿиареи акыршықәсатәи иуаажәларратә усуреи Аԥсны иузаҟәымҭхо ишадҳәалаз, Баграт Шьынқәба иҩымҭа "Ацынҵәарах" адыга классик игәы шазҭанаҵаз ароман "Алуқәа" аҩра.
"Абас, ҩыџьа ашәҟәыҩҩцәа дуқәа рлитература ианыԥшит ҳажәларқәа рҭоурыхтә лахьынҵақәа реиԥшра. Исҳаҟ Машбаш иаанижьит акыршықәсқәа аԥхьаҩцәа ргәаҿы иаанхо алитературатә ҭынха ду. Ишәҟәқәа дугәаладыршәалоит збаҩхатәрала зыжәлар рҭоурыхи, ркультуреи, рдоуҳатә беиарақәеи реиқәырхара иашьҭаз ауаҩы", — азгәаҭоуп адышшылараҿы.
