Бадра Гәынбеи Башкортосҭан ахада Ради Хабирови еиԥылеит
12:35 09.09.2026 (ирҿыцуп: 14:40 09.09.2026)
© Foto / Радий Хабиров
Анапаҵаҩра
Аиԥылараан аҳәынҭқарра ахада Аԥсны Аиааиреи Ахьыԥшымреи рымш — цәыббра 30 аҽны Хабиров Аԥсны даҭаарц ааԥхьара ииҭеит.
АҞӘА, цәыббра 9 — Sputnik. Бадра Гәынбеи Башкортосҭан ахада Ради Хабирови еиԥылеит ҳәа аанацҳауеит ахада ипресс-маҵзура.
Аҳәынҭқарра ахада Урыстәылатәи арегион анапхгара ҭабуп ҳәа реиҳәеит Аҟәа аԥшаҳәа аиҭашьақәыргылара апроект анагӡараҿы иҟарҵаз ацхырааразы, иазгәеиҭеит ҩ-ганктәи аизыҟазаашьақәа рырҵауларазы атранспорттә еинырра аҵак ду шамоу.
Аҳәынҭқарра ахада Урыстәылатәи арегион анапхгара ҭабуп ҳәа реиҳәеит Аҟәа аԥшаҳәа аиҭашьақәыргылара апроект анагӡараҿы иҟарҵаз ацхырааразы, иазгәеиҭеит ҩ-ганктәи аизыҟазаашьақәа рырҵауларазы атранспорттә еинырра аҵак ду шамоу.
Уи адагьы, ахәаахәҭра-економикатә усеицура адинамика бзиа атәы рҳәеит. Гәынба иажәақәа рыла, 2025 шықәсатәи аихшьаалақәа инарықәыршәаны, Аԥсни Башкортосҭани рыбжьара атауареикәыршара 15% рыла еиҳахеит.
"Аԥсни Башкортосҭани реизыҟазаашьа иахьатәи рыҩаӡара зеиԥш ҟамлац акакәны ахәшьара асҭоит. Иахьа шамахамзар аусхкқәа зегьы рҿы аизыҟазаашьақәа шьақәҳаргылоит, " — иҳәеит Гәынба.
Ради Хабирови Бадра Гәынбеи реиԥылараҿы, Хабиров Аԥсны иуникалтәу агеографиатә ҭагылазаашьеи аҳаиреимадара ашьақәыргылара Башкортосҭан ауааԥсыра иаҩцам ахәԥсақәа рыла амшын аҿы аԥсшьара шырзалнаршои иазгәарҭеит.
Ареисқәа Уфа- Аҟәа ирықәу ақәыӷәӷәара 80% рҟынӡа инаӡоит.
Иара ахә ҳаракны ишьеит аекономикеи, аҵареи, акультуреи, аҿартә политикеи русхкқәа рҟны ҩ-республикак рыбжьара ишьақәгылаз аинырра аҩаӡара, иагьациҵеит Башкортосҭан шазыхиоу аԥснынтәи ақыҭанхамҩатә аалыҵ аиура арҭбаара.
Аԥсни Башкортосҭани рыбжьара актәи ареис мҩаԥган 2026 шықәса лаҵара 7 рзы.
