Бадра Гәынба Атәылахьчара аминистрреи Арбџьармчқәеи рышьақәгылара амш рыдиныҳәалеит
14:13 09.10.2026 (ирҿыцуп: 14:33 09.10.2026)
© Sputnik / Томас Тхайцук
Анапаҵаҩра
Ареспублика Атәылахьчара аминистрра аԥҵаразы аӡбамҭа рыдыркылеит жьҭаарамза 11, 1992 шықәса рзы, Аԥсны жәлар Рџьынџьтәылатә еибашьра аилашымҭаз.
АҞӘА, жьҭаара 9 — Sputnik. Аԥсны Арбџьармчқәа ркомандаҟаҵаҩ хада Бадра Гәынба аруааи аветеранцәеи ареспублика Атәылахьчара аминистрреи, Аштаб хадеи, Арбџьармчқәеи рышьақәгылара амш рыдиныҳәалеит.
Иара иҳәеит 1992 шықәса жьҭаара 11 рзы, Аԥсны жәлар Рџьынџьтәылатә еибашьра аилашымҭаз ареспублика Атәылахьчара Аминистрра аԥҵаразы аӡбамҭа шрыдыркылаз, аминистр инапынҵақәа назыгӡо ҳәа дҟаҵан аполковник Владимир Аршба, Аштаб хада аиҳабыс — аполковник Сулҭан Сосналиев.
Иара иҳәеит 1992 шықәса жьҭаара 11 рзы, Аԥсны жәлар Рџьынџьтәылатә еибашьра аилашымҭаз ареспублика Атәылахьчара Аминистрра аԥҵаразы аӡбамҭа шрыдыркылаз, аминистр инапынҵақәа назыгӡо ҳәа дҟаҵан аполковник Владимир Аршба, Аштаб хада аиҳабыс — аполковник Сулҭан Сосналиев.
"Абри амш инаркны, иахьатәи аԥсуа ар рҭоурых ахы акит. Ҳарбџьармчқәа шьақәгылон аидысларақәа рҿы, ҳаԥсадгьыл ахақәиҭреи ахьыԥшымреи рзы ажәыларақәа рҿы. Убри аҟнытә, ари амш Аԥсны атәылауаа зегьы рзы аҵак ҷыда амоуп. Аԥсуа ар ҳажәлар ргәымшәареи, рхачҳареи, рдоуҳаи рныԥшуеит", — ҳәа Гәынба иажәақәа аанагоит "Аԥсныпресс".
Аҳәынҭқарра ахада иҳәеит иааиуа амшқәа рзы Аԥсни Урыстәылеи рырбџьармчқәа рыҟәшақәа злахәу зымҽхак ҭбаау аоператив-тактикатә ҽазыҟаҵарақәа шымҩаԥысуа. Аус рыдулахоит ар рхархәаразы ҳаамҭазтәи аформақәеи азнеишьақәеи, еиуеиԥшым архәҭақәа реинырра, аибашьратә зыҟаҵара аҩаӡара ашьҭыхра.
