Нугзар Логәуа хаҭалатәи ицәыргақәҵа "Амифи аҵабырги" аартуп Москва
16:44 12.10.2026 (ирҿыцуп: 16:52 12.10.2026)
© Foto / предоставил Анатолий Лагулаа
Анапаҵаҩра
Ацәыргақәҵа аартуп жьҭаара 30 рҟынӡа.
АҞӘА, жьҭаара 12 — Sputnik. Аԥсны Жәлар рсахьаҭыхҩы Нугзар Логәуа хаҭалатәи ицәыргақәҵа "Амифи аҵабырги" аартуп Москва, Урыстәылатәи асахьаҭыхратә академиаҿы жьҭаара 18 рҟынӡа.
Аусумҭақәа Аԥсны аиԥш аҳәаанырцәгьы ицәырган, аха Урыстәыла ацәыргақәҵа раԥхьаӡа акәны еиҿкаауп ҳәа арадио Sputnik аҟны иҳәеит асахьаҭыхыҩ.
Иара иазгәеиҭеит Москва асахьақәа рцәыргара агәҭакы шцәырҵыз ҳазҭоу ашықәс мшаԥымзазы Аԥсны Ацәыргақәҵатә зал хадаҿы аиубилеитә цәыргақәҵа анымҩаԥырга ашьҭахь. Аидеиа иадгылеит аҳәынҭқарра ахада Бадра Гәынбеи ареспублика Акультура аминистрреи.
Логәуа еиҭеиҳәеит асахьақәа аҭааҩцәа аинтерес шрызцәырыргаз, ацәыргақәҵа анаадырт ашьҭахь сааҭқәак арҿиаратә еицәажәарақәа шымҩаԥысуаз.
Аусмҩаԥгатә иаҭааит Урыстәылатәи асахьаҭыхратә академиеи егьырҭ арҿиаратә еиҿкаарақәеи рхаҭарнакцәа, Суриков ихьӡ зху Москватәи аҳәынҭқарратә академиатә институт арҵаҩцәа.
Зынӡа аекспозициа иалалеит 30 усумҭа. Урҭ рхыԥхьаӡараҿы иҟоуп "Ахәылԥаз. Амираж", "Аҽыкәабаҩ амра аҭашәара аламҭалаз"," Еилабгаз Антика", " Анана-Гәында. Ачашәреи ашьхааӡареи рынцәахәы", иара убас Логәуа иҭыхымҭақәа рмотивқәа рыла иаԥҵоу Илона Занҭариа лкостиумқәа ԥшьба.
Жьҭаара 18 рышьҭахь аекспозициа Росстат ахь ииасуеит — афранцыз архитектор, амодернист Ле Карбиузие иргылаз Урыстәыла аҳәынҭқарратә статистика Афедералтә маҵзура зыҩноу ахыбрахь. Уаҟа ацәыргақәҵа аартуп жьҭаара 30 рҟынӡа.
Аусумҭақәа Аԥсны аиԥш аҳәаанырцәгьы ицәырган, аха Урыстәыла ацәыргақәҵа раԥхьаӡа акәны еиҿкаауп ҳәа арадио Sputnik аҟны иҳәеит асахьаҭыхыҩ.
Иара иазгәеиҭеит Москва асахьақәа рцәыргара агәҭакы шцәырҵыз ҳазҭоу ашықәс мшаԥымзазы Аԥсны Ацәыргақәҵатә зал хадаҿы аиубилеитә цәыргақәҵа анымҩаԥырга ашьҭахь. Аидеиа иадгылеит аҳәынҭқарра ахада Бадра Гәынбеи ареспублика Акультура аминистрреи.
Логәуа еиҭеиҳәеит асахьақәа аҭааҩцәа аинтерес шрызцәырыргаз, ацәыргақәҵа анаадырт ашьҭахь сааҭқәак арҿиаратә еицәажәарақәа шымҩаԥысуаз.
Аусмҩаԥгатә иаҭааит Урыстәылатәи асахьаҭыхратә академиеи егьырҭ арҿиаратә еиҿкаарақәеи рхаҭарнакцәа, Суриков ихьӡ зху Москватәи аҳәынҭқарратә академиатә институт арҵаҩцәа.
Зынӡа аекспозициа иалалеит 30 усумҭа. Урҭ рхыԥхьаӡараҿы иҟоуп "Ахәылԥаз. Амираж", "Аҽыкәабаҩ амра аҭашәара аламҭалаз"," Еилабгаз Антика", " Анана-Гәында. Ачашәреи ашьхааӡареи рынцәахәы", иара убас Логәуа иҭыхымҭақәа рмотивқәа рыла иаԥҵоу Илона Занҭариа лкостиумқәа ԥшьба.
Жьҭаара 18 рышьҭахь аекспозициа Росстат ахь ииасуеит — афранцыз архитектор, амодернист Ле Карбиузие иргылаз Урыстәыла аҳәынҭқарратә статистика Афедералтә маҵзура зыҩноу ахыбрахь. Уаҟа ацәыргақәҵа аартуп жьҭаара 30 рҟынӡа.
