Афестиваль "Х-аҳҭнықалақьк" Аҟәа иаатуеит атеатртә сахьаҭыхыҩцәа русумҭақәа рцәыргақәҵала
12:52 19.10.2026 (ирҿыцуп: 13:10 19.10.2026)
© telegram SputnikAbkhazia
Анапаҵаҩра
АҞӘА, жьҭаара 19 — Sputnik. Жәларбжьаратәи афестиваль "Х-аҳҭнықалақьк" Аҟәа иаатуеит атеатртә сахьаҭыхыҩцәа русумҭақәа рцәыргақәҵа ала ҳәа Sputnik аҿы имҩаԥысуаз апресс-конференциаҿы ирҳәеит.
Афестиваль мҩаԥгахоит Аԥснытәи атеатр аҟны жьҭаара 19, 20 рзы. Иалахәхоит Нхыҵ Уаԥстәылатәи Акамертә театр ШКИТ, Хеҭагуров ихьӡ зху Аахыҵ Уаԥстәылатәи аҳәынҭқарратә драматә театр, Ҷанба ихьӡ зху Аԥсуа ҳәынҭқарратә драматә театр.
Ацәыргақәҵа анаадыртлак ашьҭахь, асааҭ 19:00 рзы Булгаков иажәабжь амотивқәа рыла арежиссиор Мадина Аргәынԥҳа лмоноспектакль "Китаитәи аҭоурых" арбара мҩаԥгахоит.
"Ари даара узеигәырӷьаша хҭысуп, афестиваль ахаҭа атеатрқәа зегьы рырҿиара, рылшара адырра аҽазышәара ауп. Аԥсуа театр еснагь асасцәа рыдкылара еигәырӷьоит, аха ауаԥсаа сасцәоуп ҳәа рзуҳәар ҟалома — ҳара ҳаишьцәоуп, ҳаиҳәшьцәоуп. Убри аҟнытә сгәы иаанагоит зегьы ҭаацәашәала имҩаԥысып ҳәа арҿиаратә гәахәара аманы", — ҳәа азгәалҭеит Мадина Аргәынԥҳа.
Уаҵәы афестиваль асасцәа Алада Уаԥстәылатәи атеатр артистцәа инарыгӡо аспектакль "Ала агәы" аԥхьарбара ахшәаԥшара рылшоит, Нхыҵ Уаԥстәылатәи Акамертә театр иднарбоит аспектакль "Атеатртә роман".
Аԥсны ақәгыларақәа рышьҭахь, афестиваль иацҵахоит Аахыҵ Уаԥстәыла жьҭаара 24, 25 рзы. Жьҭаара 27, 28 рзы акәзар, х-театрк рыспектакльқәа дырбахоит Нхыҵ Уаԥстәыла.
Афестиваль Урыстәыла атеатртә усзуҩцәа Реидгыла 150 шықәса ахыҵреи Михаил Булгаков 135 шықәса ихыҵреи ирызкуп. Уи мҩаԥгахоит х-қалақьк рҿы — Аҟәа, Цхьынвал, Владикавказ — жьҭаара 19-27 рзы.
Афестиваль мҩаԥгахоит Аԥснытәи атеатр аҟны жьҭаара 19, 20 рзы. Иалахәхоит Нхыҵ Уаԥстәылатәи Акамертә театр ШКИТ, Хеҭагуров ихьӡ зху Аахыҵ Уаԥстәылатәи аҳәынҭқарратә драматә театр, Ҷанба ихьӡ зху Аԥсуа ҳәынҭқарратә драматә театр.
Ацәыргақәҵа анаадыртлак ашьҭахь, асааҭ 19:00 рзы Булгаков иажәабжь амотивқәа рыла арежиссиор Мадина Аргәынԥҳа лмоноспектакль "Китаитәи аҭоурых" арбара мҩаԥгахоит.
"Ари даара узеигәырӷьаша хҭысуп, афестиваль ахаҭа атеатрқәа зегьы рырҿиара, рылшара адырра аҽазышәара ауп. Аԥсуа театр еснагь асасцәа рыдкылара еигәырӷьоит, аха ауаԥсаа сасцәоуп ҳәа рзуҳәар ҟалома — ҳара ҳаишьцәоуп, ҳаиҳәшьцәоуп. Убри аҟнытә сгәы иаанагоит зегьы ҭаацәашәала имҩаԥысып ҳәа арҿиаратә гәахәара аманы", — ҳәа азгәалҭеит Мадина Аргәынԥҳа.
Уаҵәы афестиваль асасцәа Алада Уаԥстәылатәи атеатр артистцәа инарыгӡо аспектакль "Ала агәы" аԥхьарбара ахшәаԥшара рылшоит, Нхыҵ Уаԥстәылатәи Акамертә театр иднарбоит аспектакль "Атеатртә роман".
Аԥсны ақәгыларақәа рышьҭахь, афестиваль иацҵахоит Аахыҵ Уаԥстәыла жьҭаара 24, 25 рзы. Жьҭаара 27, 28 рзы акәзар, х-театрк рыспектакльқәа дырбахоит Нхыҵ Уаԥстәыла.
Афестиваль Урыстәыла атеатртә усзуҩцәа Реидгыла 150 шықәса ахыҵреи Михаил Булгаков 135 шықәса ихыҵреи ирызкуп. Уи мҩаԥгахоит х-қалақьк рҿы — Аҟәа, Цхьынвал, Владикавказ — жьҭаара 19-27 рзы.
