Амилаҭтә спорт хкқәа рзы Аԥсны ачемпионат хацыркхеит Аҟәа, ареспубликатә стадион аҿы
14:58 08.11.2026 (ирҿыцуп: 15:22 08.11.2026)
© Sputnik / Томас Тхайцук
Анапаҵаҩра
АҞӘА, абҵара 8 — Sputnik. Амилаҭтә спорт хкқәа рзы Аԥсны ачемпионат хацыркхеит Аҟәа, ареспубликатә стадион аҿы.
Аԥснытәи амилаҭтә спорт хкқәа рфедерациа ахада Адгәыр Гәынба Sputnik ишазеиҭеиҳәаз ала, ари асезон азы аицлабрақәа ирылахәуп хә-командак: Ҷлоуи Кәтоли ақыҭақәа рҟынтәи, Аҟәатәи актәи ашкол, Аҟәатәи ахәбатәи ашкол, иара убас Афонҿыцтәи акоманда "Аԥсар".
Аԥснытәи амилаҭтә спорт хкқәа рфедерациа ахада Адгәыр Гәынба Sputnik ишазеиҭеиҳәаз ала, ари асезон азы аицлабрақәа ирылахәуп хә-командак: Ҷлоуи Кәтоли ақыҭақәа рҟынтәи, Аҟәатәи актәи ашкол, Аҟәатәи ахәбатәи ашкол, иара убас Афонҿыцтәи акоманда "Аԥсар".
18 шықәса рҟынӡа зхыҵуа ақәратә категориаҿы еицлабуеит Ҷлоутәии Аҟәатәи ашколқәа ркомандақәа.
"Ачемпионат хә-турк рыла ишьақәгылоуп. Ес-ԥсшьарамш ареспубликатә стадион аҿы, абҵара 29 рҟынӡа ахәмаррақәа мҩаԥыслоит", — ҳәа азгәеиҭеит Гәынба.
Аспортсменцәа еицлаблоит "аимҵакьачара", "акьан ахалара", "ахаҳәрԥара", "алабашьаршәра" реиԥш иҟоу адисциплинақәа рыла.
Ачемпионати, аԥхьахәгареи, хаз игоу ахәмаррақәеи рзеиԥш аԥхьахәтә фонд 500 нызқь мааҭ рҟынӡа инаӡоит.
Еиҿкааҩцәас — Аҿари аспорти русқәа рзы аҳәынҭеилакы, Амилаҭтә спорт хкқәа рфедерациа, Адунеизегьтәи аԥсуа-абаза конгресс ацхыраарала.
Ачемпионати, аԥхьахәгареи, хаз игоу ахәмаррақәеи рзеиԥш аԥхьахәтә фонд 500 нызқь мааҭ рҟынӡа инаӡоит.
Еиҿкааҩцәас — Аҿари аспорти русқәа рзы аҳәынҭеилакы, Амилаҭтә спорт хкқәа рфедерациа, Адунеизегьтәи аԥсуа-абаза конгресс ацхыраарала.
