Аарыхратә хархәагақәа раахәара асубсидиазы азыҳәақәа рыдкылара аихшьаалақәа ирылацәажәеит
13:22 12.11.2026 (ирҿыцуп: 13:47 12.11.2026)
© Foto / Пресс-служба Кабинета министров Абхазии
Анапаҵаҩра
Аекономика аминистрра абизнес адгыларазы апрограмма х-хырхарҭак рыла ихацнаркит: азинҷыдатә кредит аҭара, ааглыхратә хархәагақәа раахәара асубсидиа аҭара, аинфраструктурахь абиуџьеттә инвестициақәа.
АҞӘА, абҵара 12 — Sputnik. Аарыхратә хархәагақәа раахәара асубсидиазы азыҳәақәа рыдкылара аихшьаалақәа ирылацәажәеит Аминистрцәа реилазаараҿы.
Имаҷуи ибжьаратәуи анаплакра адгыларазы аҳәынҭқарратә комиссиа аилатәара мҩаԥысит аԥыза-министр ихаҭыԥуаҩ Џьансыхә Нанба ихантәаҩрала ҳәа аанацҳауеит Аминистрцәа реилазаара апресс-маҵзура.
Иара иажәақәа рыла, зынӡа 286 зыҳәеи апроектқәеи аашьҭын. Аекономика аминистрра урҭ анализ рызнауит, алҵшәақәа рылаҳәара иазыхиоуп.
Имаҷуи ибжьаратәуи анаплакра адгыларазы аҳәынҭқарратә комиссиа аилатәара мҩаԥысит аԥыза-министр ихаҭыԥуаҩ Џьансыхә Нанба ихантәаҩрала ҳәа аанацҳауеит Аминистрцәа реилазаара апресс-маҵзура.
Иара иажәақәа рыла, зынӡа 286 зыҳәеи апроектқәеи аашьҭын. Аекономика аминистрра урҭ анализ рызнауит, алҵшәақәа рылаҳәара иазыхиоуп.
"Ҳара ҳакәзар, апрограмма алахәыла истатус заҭәаҳшьо азыҳәақәа рыла аӡбарақәа ҳадаҳкылоит. Алахәыла истатус иаанаго апроект адгылара аҭоуп, аԥаразоужьра аиуеит ауп, амаругақәеи атехникеи рыхәшәара аицфинансҟаҵара аҳасабала (ахәԥса аҟынтәи 80%), аха 1,6 млн мааҭ иреиҳамкәа", — ҳәа ациҵеит аԥыза-министр ихаҭыԥуаҩ.
Аекономика аминистр Ҭемураз Амқәаб аинвестпроектқәа альготатә ҭагылазаашьақәа рыла рынагӡаразы акредиттә еиҿкаарақәа асубсидиа рыҭараз аусура шымҩаԥысуа азы адырра ҟаиҵеит.
Иара иҳәеит абанкқәа рҟынтәи аинвестпроектқәа асубсидиа рыҭаразы азыҳәақәа ҩба шааз — аполимертә трубақәа ахьыҟарҵо аобиекти амилаҭтә кәашарақәа рыстудиеи раахәареи рхархәареи рзы. Адокументқәа аусбарҭаҿы агәаҭара иахысит, урҭ рахь згәаҭа ыҟаӡам.
Акомиссиа аусура иацҵахоит.
Иара иҳәеит абанкқәа рҟынтәи аинвестпроектқәа асубсидиа рыҭаразы азыҳәақәа ҩба шааз — аполимертә трубақәа ахьыҟарҵо аобиекти амилаҭтә кәашарақәа рыстудиеи раахәареи рхархәареи рзы. Адокументқәа аусбарҭаҿы агәаҭара иахысит, урҭ рахь згәаҭа ыҟаӡам.
Акомиссиа аусура иацҵахоит.
