https://sputnik-abkhazia.info/20261115/abaa-du-eish-igyueit-abaa-akhaarshu-azhaaa-inadyrkny-aiyshraa-ryna-1066959497.html
"Абаа ду еиԥш ҳиқәгәыӷуеит": абаа ахьаарԥшу ажәаԥҟақәа инадыркны аиҿыԥшрақәа рҿынӡа
"Абаа ду еиԥш ҳиқәгәыӷуеит": абаа ахьаарԥшу ажәаԥҟақәа инадыркны аиҿыԥшрақәа рҿынӡа
Sputnik Аҧсны
Ашықәс рацәа зхыҵуа, изыргылаз ажәлар иргахьоу аиааирақәеи, ирхыргахьоу агәаҟрақәеи ирҿахәҳәагоу абаа. Абаа ахьаарԥшу ажәаԥҟақәа инадыркны аиҿыԥшрақәа рҿынӡа... 15.11.2026, Sputnik Аҧсны
2026-11-15T02:00+0300
2026-11-15T02:00+0300
2026-11-15T02:00+0300
аԥсны
жәлар рдоуҳа
аԥсны
https://cdnn1.img.sputnik-abkhazia.info/img/07e7/0b/10/1049095693_0:160:3072:1888_1920x0_80_0_0_c2f12a5f62c973034573520aceb10656.jpg
Ашықәс рацәа зхыҵуа, изыргылаз ажәлар иргахьоу аиааирақәеи, ирхыргахьоу агәаҟрақәеи ирҿахәҳәагоу абаа. Абаа ахьаарԥшу ажәаԥҟақәа инадыркны аиҿыԥшрақәа рҿынӡа шәаԥхьарц шәылшоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа лматериал аҟны.Ажәытә аамҭақәа маҷ шәарҭара рыцмызт: ақәыларақәа, арҳәрақәа, ауаа рыҭира уҳәа. Ауааԥсыра ашәарҭара ианҭагыло аамҭазы ахеиқәырхара ахьалыршахо ҭыԥны иӡбан абаа хырӷәӷәарҭақәа. Аԥсны беиоуп абаақәа рыла. Анаҟәаԥиатәи абаа "гәӷәаҟаца" уҳәару, амшын аԥшаҳәа иагәҭылаку Аҟәатәи абаа хыжәжәжәарақәа умбакәа узреиҩсуам. Хымԥада, абаақәа рҭоурых ажәытәра иалоуп, ианраамҭаз рыжәлар рлахьынҵа рыцеиҩшо, иргахьоу аиааирақәеи, ирхыргахьоу агәаҟрақәеи ирҿахәҳәаганы игылоуп "рҽырӷәӷәа".Абаа ажәаԥҟақәа рҿы"Абаа аҭалара мариоуп, аҭыҵра уадаҩуп", "Абаа гәашәла иӷәӷәоуп, ахы – хшыҩла", "Абаа кәтаӷьла иузыԥҽуам", "Абаа уасхырла иӷәӷәоуп, аҟәыш хшыҩла", "Абаа ҩнуҵҟала агара иаҳа имариоуп", "Абаа шәҩыла идыргылоит, иԥызҽуа аӡә иоуп" - абас ицәажәоит аԥсуа жәлар ражәаԥҟақәа.Еиҳа инарҭбааны ҳарзааҭгылап акык-ҩбак:Аԥхыӡқәа рахьтәАбаа аҵла ҩақәа ҭагыланы абара – ажәлар рыҩнуҵҟа еиласрак иазҳәоуп. Абаа аӡы ҭаны иубар – ажәлар ирзеиԥшу гәырҩак ҟалоит. Ԥхыӡла абаа аҩнуҵҟа ацәара – ачымазара иамааноуп. Абаа аҳәира ахыҵәаны ԥхыӡ иубар, ауадаҩрақәа ирызҳәоуп. Абаа аҩнуҵҟа аӡы уҭагылан уҭыҵуа убар – ажәлар ирӡеиӷьу аҟалара иазҳәоуп.АиҿырԥшрақәаАбаа аӷәӷәареи ауаҩы ицәаҩатә ҟазшьақәеи реиҿырԥшра аҭыԥ амоуп. Ирҳәоит:Абаа хижәом – зцәа иазыласым, рацәак ахыргәаҟра зҭахым ауаҩы ихҳәаауп. "Абаа ду еиԥш ҳиқәгәыӷуеит"; "Иааигәара абаа иҭоу ҳаиҩызоуп" – (игәрагоу, узықәгәыӷуа, узықәгәыӷыртә иҟоу аанагоит) ацәгьеи абзиеи ҳәа еилых ҟамҵакәа "аӷьараҳәа" иувагыло ауаҩы абас изырҳәоит.
Sputnik Аҧсны
media@sputniknews.com
+74956456601
MIA „Rossiya Segodnya“
2026
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа, аԥсны
Ашықәс рацәа зхыҵуа, изыргылаз ажәлар иргахьоу аиааирақәеи, ирхыргахьоу агәаҟрақәеи ирҿахәҳәагоу абаа. Абаа ахьаарԥшу ажәаԥҟақәа инадыркны аиҿыԥшрақәа рҿынӡа шәаԥхьарц шәылшоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа лматериал аҟны.
Ажәытә аамҭақәа маҷ шәарҭара рыцмызт: ақәыларақәа, арҳәрақәа, ауаа рыҭира уҳәа. Ауааԥсыра ашәарҭара ианҭагыло аамҭазы ахеиқәырхара ахьалыршахо ҭыԥны иӡбан абаа хырӷәӷәарҭақәа.
Аԥсны беиоуп абаақәа рыла. Анаҟәаԥиатәи абаа "гәӷәаҟаца" уҳәару, амшын аԥшаҳәа иагәҭылаку Аҟәатәи абаа хыжәжәжәарақәа умбакәа узреиҩсуам.
Хымԥада, абаақәа рҭоурых ажәытәра иалоуп, ианраамҭаз рыжәлар рлахьынҵа рыцеиҩшо, иргахьоу аиааирақәеи, ирхыргахьоу агәаҟрақәеи ирҿахәҳәаганы игылоуп "рҽырӷәӷәа".
"Абаа аҭалара мариоуп, аҭыҵра уадаҩуп", "Абаа гәашәла иӷәӷәоуп, ахы – хшыҩла", "Абаа кәтаӷьла иузыԥҽуам", "Абаа уасхырла иӷәӷәоуп, аҟәыш хшыҩла", "Абаа ҩнуҵҟала агара иаҳа имариоуп", "Абаа шәҩыла идыргылоит, иԥызҽуа аӡә иоуп" - абас ицәажәоит аԥсуа жәлар ражәаԥҟақәа.
Еиҳа инарҭбааны ҳарзааҭгылап акык-ҩбак:
Абаа нацәкьысла иагәаз. Аус ӷәӷәа, аус хьанҭа иаармарианы, џьабаа адымбалаӡакәа иҟазҵарц зҽазыркуа изырҳәоит. Иара убас ауаҩы дыззымиааиуа дизыҵҟьарц даналаго абас рҳәоит.
Быз хаала цаԥхада абаа ашә аауртуеит. Ауаҩы уаҩҵас уиацәажәар, игәшәымшә уҳәар, иузыҟаимҵашагьы узыҟаиҵоит, духаҵгылоит.
Абзиабаразы абаагьы хҵысҭоуп. Абзиабара иаша, ацәанырра цқьа ахьыҟоу, ԥырхага, ԥынгыла зыҟалаӡом, иҟалаӡаргьы уи мчыдоуп.
"Абаа рбганы абаа зыргылаз", "Баак рбганы баак зыргылаз". Аханатә аус шуқәманшәаламхо, хашәала шумоуа шудыруагьы иара аҟаҵара уҽаназуклак абас рҳәоит.
Абаа аҵла ҩақәа ҭагыланы абара – ажәлар рыҩнуҵҟа еиласрак иазҳәоуп.
Абаа аӡы ҭаны иубар – ажәлар ирзеиԥшу гәырҩак ҟалоит.
Ԥхыӡла абаа аҩнуҵҟа ацәара – ачымазара иамааноуп.
Абаа аҳәира ахыҵәаны ԥхыӡ иубар, ауадаҩрақәа ирызҳәоуп.
Абаа аҩнуҵҟа аӡы уҭагылан уҭыҵуа убар – ажәлар ирӡеиӷьу аҟалара иазҳәоуп.
Абаа аӷәӷәареи ауаҩы ицәаҩатә ҟазшьақәеи реиҿырԥшра аҭыԥ амоуп. Ирҳәоит:
Абаа хижәом – зцәа иазыласым, рацәак ахыргәаҟра зҭахым ауаҩы ихҳәаауп.
"Абаа ду еиԥш ҳиқәгәыӷуеит"; "Иааигәара абаа иҭоу ҳаиҩызоуп" – (игәрагоу, узықәгәыӷуа, узықәгәыӷыртә иҟоу аанагоит) ацәгьеи абзиеи ҳәа еилых ҟамҵакәа "аӷьараҳәа" иувагыло ауаҩы абас изырҳәоит.
