Аԥсуа мифологиа шьаҭас измоу ахәмарра "Хьыӡрацара" ӡырыргеит Аҟәа
21:17 21.11.2026 (ирҿыцуп: 21:27 21.11.2026)

© telegram SputnikAbkhazia
Анапаҵаҩра
АҞӘА, абҵара 21 — Sputnik. Аԥсуа мифологиа шьаҭас измоу ахәмарра "Хьыӡрацара" ӡырыргеит Аҟәа.
Апроект нагӡоуп Адунеизегьтәи аԥсуа-абаза конгресс ацхыраарала.
"Хьыӡрацара" — фҩык рҟынӡа ауаа злахәу, аишәа иадтәалан имҩаԥырго хәмарроуп. Дарбанызаалак ахәмарыҩ ихахьы игар илшоит аԥсуа мифологиа аперсонажцәа руаӡәк ироль: абнацә атәыҩақәа змоу, игәаӷьыуацәоу Џьамхәыхә, амч ду змоу Аҵан, иссиру, игьангьашу Ӡызлан, адауаԥшь Абрыскьыл, Бжеиқәа-Бжашла, мамзаргьы игызмалу аҭаҳмада Ҭачкым.
Дарбан фырхаҵазаалак ихатәы ҷыдарақәеи илшарақәеи имоуп, ахәмарра амҩаԥысшьа акәзар, алахәылацәа рыӡбамҭақәеи, урҭ ргәеилгареи, дара-дара реинырра адырреи акыр ирхьыԥшуп.
Ахәмарра раԥхьатәи аверсиа аус адырулеит Гәдиса Мамацеви адизаинер Диана Нарманиеи. Ашьҭахь Адунеизегьтәи аԥсуа-абаза конгресс аԥшьгаратә гәыԥ ирыднагалеит ахәмарра апрототип аус адулареи раԥхьатәи атираж аҭыжьреи рзы.
Апроект анаҩстәи аус адулара мҩаԥысуан АААК апроектқәа рменеџьер Наур Хьышба инапхгарала.
Ахәмарырҭатә дәы инагӡаны аԥсышәала иҩычоуп, аԥҟарақәа ҩ-бызшәак рыла иазырхиоуп — аԥсышәалеи урысшәалеи.
"Акультура аиқәырхарала мацарала изынхом, убри аҟнытә ҳара ҳреиҷаҳаны ҳҽазаҳшәоит уи аӡыргаразы иҿыцу аформақәеи амеханизмқәеи рыԥшаара. Афестиваль Apsua Code азы иазырхиаз ахәмарра анаҳба, иаҳҭаххеит ари аԥшьгара адгылара аҭара, аинтерес зҵоу апрототип ихаҭәаау аишәатә хәмарраны аҟаҵара ацхраара", — иҳәеит Хьышба.
Апроект нагӡоуп Адунеизегьтәи аԥсуа-абаза конгресс ацхыраарала.
"Хьыӡрацара" — фҩык рҟынӡа ауаа злахәу, аишәа иадтәалан имҩаԥырго хәмарроуп. Дарбанызаалак ахәмарыҩ ихахьы игар илшоит аԥсуа мифологиа аперсонажцәа руаӡәк ироль: абнацә атәыҩақәа змоу, игәаӷьыуацәоу Џьамхәыхә, амч ду змоу Аҵан, иссиру, игьангьашу Ӡызлан, адауаԥшь Абрыскьыл, Бжеиқәа-Бжашла, мамзаргьы игызмалу аҭаҳмада Ҭачкым.
Дарбан фырхаҵазаалак ихатәы ҷыдарақәеи илшарақәеи имоуп, ахәмарра амҩаԥысшьа акәзар, алахәылацәа рыӡбамҭақәеи, урҭ ргәеилгареи, дара-дара реинырра адырреи акыр ирхьыԥшуп.
Ахәмарра раԥхьатәи аверсиа аус адырулеит Гәдиса Мамацеви адизаинер Диана Нарманиеи. Ашьҭахь Адунеизегьтәи аԥсуа-абаза конгресс аԥшьгаратә гәыԥ ирыднагалеит ахәмарра апрототип аус адулареи раԥхьатәи атираж аҭыжьреи рзы.
Апроект анаҩстәи аус адулара мҩаԥысуан АААК апроектқәа рменеџьер Наур Хьышба инапхгарала.
Ахәмарырҭатә дәы инагӡаны аԥсышәала иҩычоуп, аԥҟарақәа ҩ-бызшәак рыла иазырхиоуп — аԥсышәалеи урысшәалеи.
"Акультура аиқәырхарала мацарала изынхом, убри аҟнытә ҳара ҳреиҷаҳаны ҳҽазаҳшәоит уи аӡыргаразы иҿыцу аформақәеи амеханизмқәеи рыԥшаара. Афестиваль Apsua Code азы иазырхиаз ахәмарра анаҳба, иаҳҭаххеит ари аԥшьгара адгылара аҭара, аинтерес зҵоу апрототип ихаҭәаау аишәатә хәмарраны аҟаҵара ацхраара", — иҳәеит Хьышба.
