АҞӘА, жьҭаара 24 - Sputnik. Урыстәыла аҳауаҽацәыхьчаратә хархәагақәа авиациатә бомбақәа JDAM хәбеи аицҭырҟьаратә система HIMARS ахгәыцәқәа хәбеи ԥыржәеит.
Иара убасгьы икажьуп украинатәи аҳаирпланқәа МиГ-29, арҵаратә ҳаирплан Л-39, украинатәи адронқәа 44. Аусбарҭа иаанацҳауеит Запорожиетәи ахырхарҭаҿы УАМ ишацәыӡыз 75 солдаҭ, атанк, ҩ-автомобилк, ҩ-артиллериатә системак М777, агаубицақәа: "Мста-Б", Д-20, М119, н Херсонтәи ахырхарҭаҿы - 55-ҩык асолдаҭцәа, х-автомобилк, агаубица Д-20.
"Аӷа Днепр армарахьтәи аган аҿы аҽеизакра иҽазишәеит, аха ацәыӡ дуқәа иманы дхьаҵит. Уи инадҳәаланы УАМ амшыншьаҟауаа рыбригада адҵанагӡара мап ацәыркуеит", - ҳәа аҳәоит адырраҭараҿы.
Купиансктәи ахырхарҭаҿы агәыԥ "Западное" арҟәшақәа аӷа ижәыларақәа ааба аԥдырҟәҟәааит. УАМ иацәыӡит 60–ҩык аибашьцәеи ҩ-пикапки.
Краснолимантәи ахырхарҭаҿы амеханизациа зызуу УАМ 21-тәи, 31-тәи, 63-тәи ажәыларатә гәыԥқәа ржәыларақәа жәеиза аԥдырҟәҟәааит. Ааха аҭоуп УАМ иҷыдоу 12-тәи абригада. Ари ахырхарҭаҿы Киев иацәыӡит 125 еибашьҩы, акәылӡмашьынақәа хәба, автомашьынақәа ԥшьба.
Донецктәи ахырхарҭаҿы ииасыз уахыки-ҽнаки рыҩнуҵҟа аӷа ицәыӡит 235-ҩык аибашьҩцәа, аршьаҟауамашьынақәа ҩба, автомобилқәа ԥшьба. Ааха рыҭоуп: артиллериатә система М777, х-артиллериатә шьақәгылақәак "Krab", агаубица "Мста-Б", артиллериатә шьақәгыла "Гвоздика", 93-тәи амеханизациа зызуу абригада аџьаԥҳанышьҭаҵарҭа.
Алада-Донецктәи ахырхарҭаҿы уахыки-ҽнаки рыла иҭархоуп 110 украинатә еибашьҩы, автомашьынақәа ԥшьба.