23:32 18 Цәыббра 2019
Ишиашоу ицо аефир
  • USD64.43
  • EUR71.24
Кясоу Хагба.

Кьасоу Ҳагба: Аԥсны – аҩбатәи Голливуд ауп

© Фото : Сергея Арутюнова
Аналитикеи аиҿцәажәарақәеи
Икьаҿу ахьарԥш аиура
73 0 0

Аԥсны акинематографистцәа Реидгыла ахантәаҩы, актиор Кьасоу Ҳагба Sputnik акоррепондент аинтервиу лыҭауа дазааҭгылеит Аԥсны акинемотаграфиа иамоу апроблемақәеи асовет аамҭақәа рзы аԥсуа фильмқәа зеиԥшрази.

Аԥсуа профессионалтә режиссуреи Аԥсны акино аҿиареи ртәы еиҭеиҳәеит Аԥсны акинематографистцәа Реидгыла ахантәаҩы, актиор Кьасоу Ҳагба Sputnik акоррепондент илиҭаз аинтервиу аҿы. Аиҿцәажәара мҩаԥылгон Анжелика Бениаԥҳа.

– Кьасоу Золотинска-иԥа, иаҳзеиҭашәҳәа, избан иахьа амилаҭтә кино аҭыхра аҵак ду аманы изшьо?

– Аԥсны – ари аҩбатәи Голливуд ауп ҳәа иушьар ауеит избанзар, араҟа иҟоуп аиаҵәара, араҟа иҟоуп амшын, ашықәс азы жәа-мзы амра хаа ԥхоит. Аԥсны акино ҭухуазар адекорациақәа уҭахӡам. Иара ахаҭа декорациак еиԥшуп. Ари Анцәа иҳаиҭаз лшароуп, аха ҳара ҳхы иаҳзархәом умҳәозар. Амилаҭтә кино амилаҭтә шәарҭадара атрибутқәа ируакны иҟоуп.

Асовет аамҭақәа раахыс ипрофессионалтәу акинорежиссиор ҳәа иҳамоу Виачеслав Аблоҭиа иоуп. Дыҟан еиҭахгьы Виктор Патеиԥа, адокументалтә фильмқәа ҭызхуаз, аха Аблоҭиа ида зметраж ҭбаау акино Аԥсны аӡәгьы иҭимхыцт. "Анапыхьараџь" Аԥсны раԥхьатәи киноаалыҵын. Виачеслав иҭижьхьеит афильм хазынақәа "Акаруаҭ" (зметраж кьаҿу), Даур Занҭариа исценари иалху "Асувенир". Уаҟа саргьы ароль хадақәа руак сыхәмаруан. Сара сгәаанагарала иара убри афильм Аблоҭиа ифильмқәа иреиӷьу ҳәа ишьатәуп.

– Асовет аамҭазтәи аԥсуа фильмқәа шәышԥарзыҟоу? Урҭи иахьа иҭырхуа афильмқәеи злеиԥшымзеи?

– Иҟоуп Виачеслав Аблоҭиа исовет фильмқәа, игениалтәу ҳәа ззуҳәар ауа. "Анапыхьараџьи" "Асувенири" рҟны цәаҳәа ҟаԥшьны иагәылсуеит аԥсабара аҵаки иара аиқәырхареи ртема. Даур Занҭариа иажәабжьқәа — арҭ афильмқәа зхылҵшьҭроу — рхы инаркны рҵыхәанӡа аԥсабара абзиабареи, ауаҩи аԥсабареи ракзаареи атемақәа ргәылыжжуеит. Усҟантәи аамҭақәа рызтәи афильмқәа ирыцәтәымуп игьамадоу ашоу.

Сара уаанӡа Аблоҭиа ифильмқәеи асовет фильм дуқәеи еиҿсырԥшуан. Иахьа урҭ сеиҭанрыхәаԥшуа, иҿыцны избоит Аблоҭиа ифильымқәа рҿахәы шрымаз, иахьагьы ишрылшо ахәаԥшҩы ихьарԥшра. Ҳара иаҳгәиҭоуп урҭ цифраркны иҟаҵаны Аԥсны анҭыҵгьы идҳарбарц.

– Аԥсуа режиссиорцәа рҟынтәи уаҳа иалышәкаауада?

– Ада Квираиа. Аусумҭа ссирқәа лымоуп. Акадр ақәыргылашьа оумашәа дазҟазоуп. Аха иара убри аан лара лфильмқәа зегьы иузрыдгалом, амасса иртәым. Рыцҳарас иҟоу, Ада Квираиа лоума, Виачеслав Аблоҭиа иоума иахәҭоу атехника ахьрымам иахҟьаны рфильмқәа рҭыжьра уадаҩуп. Виачеслав Аблоҭиа атәымҳәынҭқарратә фильмқәеи амультфильмқәеи аԥсышәала адублиаж рзиуеит. Ари, ҳәарада, ишьахәуп, аха асеиԥш аҩаӡара змоу арежиссиорцәа рхатә фильмқәа ахьрызҭымхуа рыцҳароуп.

– Аԥсны акинемотаграфистцәа Реидгыла аԥҵара ҵакыс иамоузеи? Иарбан напынҵақәоу иара иахьа инанагӡо?

– Аԥсны акинемотаграфистцәа Реидгыла аԥҵоуп ԥышәа еимдарак алзыршо акакәны. Сара ибзианы еилыскаауеит ашьаарҵәыратә еибашьра ашьҭахь Аԥсны аԥыжәара змоу аусқәа шырацәоу, аха иахьатәи аамҭазы, аекран аҵак ду аманы ианыҟоу, ҳара ҳҳәынҭқарра иамам алшара аекран ахархәарала ахы еиҭанаҳәартә еиԥш. Убри сгәы иалоуп.

– Госфильмфонди Урыстәыла акинемотографистцәа Реидгылеи шәареи шәусеицура лҵшәақәак аман иҟоума?

– Аԥсны имҩаԥысхьеит иакымкәа иҩбамкәа афестивальқәа. Асеиԥш иҟоу аусурақәа мҩаԥаагоит акино аинтерес мыӡырц. Аҵараҳәа заҟаҩ ҳзышьҭуа аҟара акадырқәа ҳзыхынҳәуеит. Нас урҭ аусурҭа ҭыԥқәа раҳҭар акәхоит. Ҳкино шышьҭахоугьы ахәаԥшцәа ирызцәыраагалароуп, апрофессионалцәа ҳкинемотографиа иалацәажәалароуп. Ҳара акино ахӡыргараз ҳхы иаҳархәалароуп.

Арежиссиор Валери Ахадов раԥхьа днаргылан ВГИК арҵаҩцәа хатәрақәа алархәны амастер-классқәа ԥшьба еиҿаҳкаахьеит. Иахьазы Аԥсны иҟоуп аҟазара бзиеи аҟыбаҩи злоу арежиссиорцәеи астудентцәеи. Урҭ ирыцхраазар, аԥсуа кинемотографиа еиҵарҳауан. Иазгәасҭарц сылшоит Амра Начҟьебиаԥҳа, Ҭемур Кәакәасқьыр, Ҭемур Ҭаниа русумҭақәа.

Ихадоу атемақәа