15:32 27 Лаҵара 2020
Ишиашоу ицо аефир
  • USD71.06
  • EUR77.91
Аԥсны
Икьаҿу ахьарԥш аиура
Ҳара ҳ-Фазиль (17)
2010

Ашәҟәыҩҩы Фазиль Искандер иԥсҭазаара далҵит амҽыша, ԥхынгәы 31 рзы, ҳәа аарыцҳауеит Урыстәыла ашәҟәыҩҩцәа Реидгыла аҟынтәи.

АҞӘА, нанҳәамза 1 – Sputnik. Ашәҟәыҩҩы Фазиль Искандер иԥсҭазаара далҵит амҽыша, ԥхынгәы 31 рзы, ҳәа аарыцҳауеит Урыстәыла ашәҟәыҩҩцәа Реидгыла аҟынтәи.

Фазиль Абдул-иԥа Искандер диит хәажәкыра 6 1929 шықәса рзы, Аҟәа. 1954 шықәса рзы далгеит А.М. Горки ихьӡ зху Алитературатә институт.

Ҩышықәса рышьҭахь дхынҳәуеит Аԥсныҟа, Аҳәынҭшәҟәҭыжьырҭа аԥсуа ҟәша аредакторс.

1956 инаркны иҩымҭақәа ркьыԥхьуан ажурналқәа: "Смена", "Неделя", "Костер", "Сельская молодежь" уҳәа рыҟны. Раԥхьатәи иажәеинраалақәа реизга "Горные тропы" ҭыҵит 1957 шықәса рзы Аҟәа. 1966 шықәса рзы ажурнал "Новый мир" аҟны икьыԥхьын аповест — "Созвездие Козлотура".

Искандер ирҿиамҭақәа ирылукаартә иҟоуп "Сандро из Чегема" (1973-1988, автобиографиатә ҩымҭа).

Искандер иажәабжьқәеи иповестқәеи еиҭагоуп шамахамзар европатәи абызшәақәа зегьы рахь.

Искандер иҩымҭақәа ирылхны иҭыхын абарҭ афильмқәа: "Воры в законе", "Пиры Валтасара, или Ночь со Сталиным", "Маленький гигант большого секса".

Фазиль Искандер ианашьан аорденқәа "За заслуги перед Отечеством" III (1999), II (2004), IV (2009) аҩаӡарақәа, "Ахьӡ-аԥша" аорден I аҩаӡара, Аԥсны (2002).

Апланета маҷқәа руак ихьӡ ахуп Фазиль Искандер.

2009 шықәса рзы Аԥсны абанк иҭнажьит 10 апсарк иҟоу, Фазиль Искандер изку агәалашәаратә раӡнытә аԥсар "Выдающиеся личности Абхазии" асериа аҟынтәи.

Атемақәа:
Ҳара ҳ-Фазиль (17)

Ихадоу атемақәа