"Коӷониаԥҳа лымҩаду": азиндырҩцәа Аԥсны Аконституциа азы ргәаанагара

© Sputnik / Томас ТхайцукБатал Табагуа и Ахра Квеквескири
Батал Табагуа и Ахра Квеквескири - Sputnik Аҧсны
Анапаҵаҩра
Автортә дырраҭара "Коӷониаԥҳа лымҩаду" асабшатәи адырраҭараҿы иазааҭгылан Аԥсны Аконституциа. Арадиостудиаҟны ргәаанагара рҳәон Жәлар реизара адепутат, азинтә политиказы акомитет иалоу Баҭал Тапаӷәуа, апарламент V-тәи ааԥхьара адепутат Ахра Кокосқьыр.

АҞӘА, абҵара 28 — Sputnik. Ишиашоу ицоу аефирала, арадио Sputnik Аԥсны адырраҭара "Коӷониаԥҳа лымҩаду" аҿы иалацәажәон Аԥсны ихадоу азакәан — Аконституциа. Ишԥаԥҵаз иара, иаҭахума иахьа аԥсахрақәа алагалара, астудиаҟны рхатә гәаанагарақәа еибырҳәон Жәлар реизара адепутат Баҭал Тапаӷәуа, апарламент V-тәи ааԥхьара адепутат Ахра Кокосқьыр.

"Коӷониаԥҳа лымҩаду": Батал Тапаӷәуа, Ахра Кокосқьыр Аԥсны Аҳәынҭқарра Аконституциа иазкны

Ихьыԥшым аҳәынҭқарра ихадоу азакәан — Аконституциа, аԥҵан абҵара 26, 1994 шықәса рзы Аԥсны Иреиҳаӡоу Асовет аилатәараҟны.

"Аконституциа шьақәзыргылоз ирацәаны аџьабаа адырбалеит. Усҟан ицәгьаз аполитикатәи аекономикатәи ҭагылазаашьақәа рҿы уи ус имариамызт. Аконституциа аԥҵара ҳара ҳзы акрызҵазкуаз ус ҿыҵын", — иҳәеит Жәлар реизара адепутат Баҭал Тапаӷәуа.

Иара Аԥсны Аконституциа аҳәынҭқарра азы ԥшьаҩыроуп ҳәа азгәаиҭеит.

Ахра Кокосқьыр иҳәеит, аконституциаҿы ишарбоу узкьымсыр ҟамло ахәҭаҷкәа, аха иҟоуп аԥсахрақәагьы зҭаху.

"Аԥшьбатәи ахы 48 ахәҭаҷ, алагала аҭахуп. Сгәы иаанагоит, аҳәынҭқарра ахадеи анагӡаратә мчра аиҳабыи руалԥшьақәа еидыхтәуп ҳәа", — азгәаиҭеит иара.

Баҭал Тапаӷәуа аконституциа аԥсахрақәа алагалара аганахьала, иаҭахны иԥхьаӡоит 47 астатиа, 11 ахәҭаҷ аҿы- апарламент аус иазкны, аус адулара.

"Апарламент иаӡбоит аминистрцәа реилазаара ԥхьатәара рышьҭра. Сара сгәы иаанагоит, апарламент иаднакыло, Атәыла ахада инаигӡар ауп ҳәа. Ҩымчыбжь рышьҭахь иара даҽаӡәы ихьӡ ҳәаны аминистрцәа реилазаара ахантәаҩи, аминистрцәеи аиҭароуп", — иҳәеит иара.

Ахра Кокосқьыр аконституциатә ӡбарҭа аӡбаҩцәа рзы иҟоу ауадаҩра иазкны иҳәеит уи шрыцҳара дуу. Азакәан ыҟоуп, аха аус ауртә еиԥш изалмыршахеит, иҳәеит иара.

Азиндырыҩцәа ргәаанагарала, араионтә еизарақәа рхадацәа ажәлар иалырхыроуп.

"Иахьатәи аҭагылазаашьа иунарбоит алхрақәа шаҭаху. Уахь инеиуа ауаҩы идыруазароуп, ажәлар рзы аус шиуа", — иҳәеит Баҭал Тапаӷәуа.

Есымчыбжьа, сабшала, асааҭ 18:00 рзы арадио Sputnik Аԥсны аефир ала шәазыӡырҩла автортә дырраҭара "Коӷониаԥҳа лымҩаду".

Ажәабжьқәа зегьы
0