Дмитри Гәазаа Mitjet Winter Cup аҩбатәи аетап аҟны аиааира игеит

© Фото : Mitjet Series RussiaДвойной победой Дмитрия Гвазава завершился второй этап Mitjet Winter Cup
Двойной победой Дмитрия Гвазава завершился второй этап Mitjet Winter Cup - Sputnik Аҧсны
Анапаҵаҩра
Акатегориа PRO (апрофессионалцәа) Mitjet Winter Cup аҩбатәи аетап аҟны аиааира игеит Дмитри Гәазаа. Иара дишьҭанеиит Антон Немкин, ахԥатәины днеиит Константин Гугкаев.

АҞӘА, жәабран 26 – Sputnik Бадраҟ Аҩӡба. Жәабран 23 рзы Шәача имҩаԥысуаз акатегориа PRO (апрофессионалцәа) иаҵанакуа Mitjet Winter Cup аҩбатәи аетап аҟны аиааира игеит Дмитри Гәазаа. Иара дишьҭанеиит Антон Немкин, ахԥатәины днеиит Константин Гугкаев, абри атәы Sputnik иазеиҭеиҳәеит Дмитри Гәазаа.

"Ари Ахраҿаз аиндаҭларақәа мҩаԥысуеит Урыстәыла Ахраҿа аламҭалаз. Сгәы иаанагоит зегь сықәманшәалахеит ҳәа. Акрааҵуан аҽазыҟаҵарақәа мҩаԥысымгеижьҭеи. Урыстәыла Ахраҿаз аиндаҭларагьы сшақәгәыӷуа имҩаԥысып ҳәа сыҟоуп", — иҳәеит аспортсмен.

© Фото : Mitjet Series RussiaДмитрий Гвазава
Дмитрий Гвазава  - Sputnik Аҧсны
Дмитрий Гвазава

Mitjet Winter Cup х-етапкны ишьақәыгылоуп. Аҵыхәтәантәи аетап мҩаԥысраны иҟоуп мшаԥымзазы.

Акатегориа Semi-PRO (апрофессионалбжьаратәқәа) рыбжьара аиааира игеит Антон Немкин, уи ишьҭанеиит Никита Худови Данил Иванови.

Mitjet 2L асериа аларҵәара амоуп Франциа, Италиа, Германиа, Урыстәыла, США. Иара шьаҭеиркит франциатәи аспортсмен Жан-Филипп Даиро.

Ажәабжьқәа зегьы
0