Алхас Ферзба иконцерт мҩаԥгахоит Аҳәынҭқарратә филармониаҿы

© Sputnik / Томас ТхайцукПресс-конференция о сольном концерте Алхаса Ферзба
Пресс-конференция о сольном концерте Алхаса Ферзба - Sputnik Аҧсны
Анапаҵаҩра
Аҳәынҭқарратә филармониаҿы имҩаԥысраны иҟоу Алхас Ферзба иконцерт иазкны Sputnik Аԥсны амультимедиатә пресс-центр аҿы мшаԥы 3 рзы имҩаԥысит апресс-конференциа.

АҞӘА, мшаԥы 3 – Sputnik, Амра Амҷԥҳа. Ацәанырра рацәа зҵоу Рахманинова имузыка аԥсуа публиказы аинтерес аиуп ҳәа агәрагара шимоу иҳәоит апресс-конференциаҟны Аԥснытәи афилармониа асолист Алхас Ферзба.

Алхас Ферзба. - Sputnik Аҧсны
Алхас Ферзба Москватәи асценаҿы дықәгылоит

"Рахманинов имузыка аҵаулара ду амоуп. Уи агәахәара унаҭарц азы даараӡак амузыка еилызкаауа, аԥышәа змоу зыӡыҩҩрык уакәны уҟамзаргьы ауеит", — иҳәоит ашәаҳәаҩ.

Аԥснытәи аҳәынҭқарратә филармониа асахьаркыратә напхгаҩы, амузыкадырыҩ Есма Џьениаԥҳа иазгәалҭоит Рахманинов иромансқәа рынагӡара уаҩсыр ҟалом ҳәа.

"рахманинов имузыка иузцәырнаго ацәаныррақәа ҳара зегьы иҳалоу цәаныррақәоуп. Ароманс аханатәгьы идемократиатәу жанруп, амузыка, апоезиа, аҟазара бзиа избо зегьы еилыркаар рылшоит. Ароманс – амузыкахь ииагоу поезиатә фрагментуп. Ароманс аҿы амузыка хадара ауеит, иаанарԥшуеит автор игәҭакқәа", — ҳәа лҳәоит Џьениаԥҳа.

Лара иазгәалҭоит Рахманинов аиҳаракгьы ихы иаирхәоз иара иаамҭаз, аразны шәышықәса ҳәа изышьҭаз аамҭа апоетцәа ражәеинраалақәа ракәын ҳәа.

"Рахманинов имузыкагьы убри аразны шәышықәса иаҵоуркыр ауеит. Апоезиа, амузыка, абжьа ԥшӡа бзиа избо зегьы шәааҳаԥхьоит аконцерт ахь" — лҳәоит Есма Џьениаԥҳа.

Алхас Ферызба иакәзар иҳәоит акыр игәы шыхыҭхыҭуа.

"Уаанӡа сара Аԥсны аконцертқәа срылахәын, аха асолотә концерт амҩаԥгара уи аҽакӡоуп. Апрограмма акыр иуадаҩуп. 2018 шықәса Рахманинов 145-шықәса ихыҵра иашықәсуп. Есма Џьениаԥҳаи сареи ҳаицәажәараан лара исабжьылгеит акамератә музыка аконцерт мҩаԥызгарц", — иҳәеит Ферызба.

Архивное фото филармонии - Sputnik Аҧсны
Аконцерт "Ахәылԥаз-Реквием" Аҳәынҭқарратә филармониаҿы имҩаԥгахоит

Иара иазгәеиҭеит аконцерт акомпониаторс дшыҟало Аҟәатәи амузыкатә ҵараиурҭа арҵаҩы Асҭанда Џьыкырԥҳа.

"Уадаҩраны иҟоу имаҷны ҳҽахьазыҟаҳҵахьоу ауп. Сара Москва сыҟан, лара–ара. Арепертуар лыман. Уи ала лҽазыҟалҵон. Апрограмма акәзар ашәаҳәаҩ иеиԥш акомпониатор изгьы имариаӡам", — иҳәеит Алхас Ферзба.

Есма Џьениаԥҳа илҳәеит аҵыхәтәантәи аамҭақәа рзы афилармониаҿы атематикатә концертқәа лассы-лассы ишымҩаԥырго.

Аԥснытәи афилармониа аҟны иазыԥхьагәаҭоуп Аҳәынҭқарратә камератә оркестри афортопианотә дует "Пиано дуои" реицықәгылара (мшаԥы 17 рзы), Аҟәатәи амузыкатә ҵараиурҭа астудентцәа, апианиноарҳәаҩцәа рықәгылара.

Жәларбжьаратәи аконкурсқәа рлауреат Алхас Ферзба исолотә концерт мҩаԥгахоит мшаԥы 4 рзы.

Ажәабжьқәа зегьы
0