06:31 21 Жьҭаара 2018
Ишиашоу ицо аефир
  • USD65.81
  • EUR75.32
Даур Кове принял нового посла Российской Федерации в Республике Абхазия Алексея Двинянина

Даур Ақаҩба Урыстәылатәи Афедерациа Ацҳаражәҳәаҩ ҿыц дидикылеит

© Фото: mfaapsny
Аԥсны
Икьаҿу ахьарԥш аиура
6 0 0

Аԥсны Аҳәынҭқарраҿы Урыстәылатәи Афедерациа Ацҳаражәҳәаҩыс Алеқсеи Двинианин иҟалараз 2018 шықәса хәажәкыра 30 рзы аусԥҟа инапы аҵеиҩит Урыстәыла Ахада Владимир Путин.

АҞӘА, лаҵара 14– Sputnik. Лаҵара 14 рзы Аԥсны Адәныҟатәи аусқәа рминистр Даур Ақаҩба Урыстәылатәи Афедерациа Ацҳаражәҳәаҩ ҿыц Алеқсеи Двинианин дидикылеит агәраргагатә шәҟәыбӷьыцқәа реимдаразы. Абри атәы аанацҳауеит Аԥсны Адәныҟатәи аусқәа рминистрра аофициалтә саит.

"Лаҵара 14 рзы Аԥсны Адәныҟатәи аусқәа рминистр Даур Ақаҩба Урыстәылатәи Афедерациа Ацҳаражәҳәаҩ ҿыц Алеқсеи Двинианин дидикыло дидныҳәалеит, агәыӷрагьы ааирԥшит иара абри аҩыза аҭыԥ ҳаракаҿ иҟазаара аԥсуа-аурыс еизыҟазаашьақәа ԥхьаҟатәи рыҿиаразы хра аманы иҟалап ҳәа дшахәаԥшуа", — ҳәа аҳәоит асаит адырраҭараҿы.

Аԥсны Аҳәынҭқарраҿы Урыстәылатәи Афедерациа Ацҳаражәҳәаҩыс иҟалаз Алеқсеи Двинианин Даур Ақаҩба ҭабуп ҳәа иеиҳәеит, агәрагьы ииргеит Урыстәыла Ахада Владимир Путин иқәиргылаз адҵақәа рынагӡаразы илшо зегьы шыҟаиҵо.

"Сара агәра згоит ҳажәларқәеи ҳҳәынҭқаррақәеи ԥхьаҟа аԥеиԥш бзиа шрымоу. Аус ааулоит ҳтәылақәа рыбжьара анапы зҵаҩу аиқәшаҳаҭрақәа ҵаҵӷәыс иҟаҵаны", — ҳәа азгәеиҭеит Алеқсеи Двинианин.

Даур Ақаҩбеи Алеқсеи Двинианини ргәаанагарақәа еимырдеит ҩ-ганктәи аусеицуразы.

Аԥсны Аҳәынҭқарраҿы Урыстәылатәи Афедерациа Ацҳаражәҳәаҩыс Алеқсеи Двинианин иҟалараз 2018 шықәса хәажәкыра 30 рзы аусԥҟа инапы аҵеиҩит Урыстәыла Ахада Владимир Путин.

Ихадоу атемақәа