23:59 20 Рашәара 2018
Ишиашоу ицо аефир
  • USD63.62
  • EUR73.61
Концерт вокалистов студии Некст прошел в Сухуме

Амиузикл "Волшебный глобус" РУСДРАМ асценаҿы иддырбоит

© Sputnik / Томас Тхайцук
Аԥсны
Икьаҿу ахьарԥш аиура
5 0 0

Амиузикл "Волшебный глобус", РУСДРАМ асценаҿы иддырбараны иҟоу, иалахәоит 5-15 шықәса рҟынӡа зхыҵуа 35-ҩык ахәыҷқәа.

АҞӘА, рашәара 13 – Sputnik. Ахәыҷтәы миузикл "Волшебный глобус" РУСДРАМ иддырбараны иҟоуп рашәара 19 рзы лҳәеит радио Sputnik аинтервиу азҭаз ахәыҷтәы музыкатә студиа "Некст" адиректор Фаиа Мархолиаԥҳа.

"Зегь аԥхьарбараҿы ҳашәзыԥшуп. Даара ҳгәы хыҭхыҭуеит. Ари раԥхьатәи хәыҷтәы миузиклуп. Ари раԥхьатәи ԥышәоуп. Ҳгәыӷуеит зегь маншәалахап ҳәа", — лҳәоит лара.

Амиузикл шьаҭас иамоуп ахәыҷқәа бзиа еицырбо алакәқәа.

"Амиузикл шьаҭас иамоуп ахәыҷқәа бзиа еицырбо алакәқәа, Диснеитә лакәқәа, "Союзмультфильм" иҭнажьыз алакәқәа. Аԥхьа амиузикл "Алакәқәа рлакә" ахьӡаҳҵар ҳҭахын, аха нас асценари ҳаԥсахит. Иҳаӡбеит ахьӡгьы ҳаԥсахырц", — лҳәеит ахәыҷтәы музыкатә студиа "Некст" адиректор Фаиа Мархолиаԥҳа. Иҟалаша ҳаздырам аха даара иаҳҭахын амиузикл шәыдаагалар.

Мархолиаԥҳа лажәақәа рыла амиузикл ақәыргылара аидеиа цәырҵит сааҭк ахы-аҵыхәала.

"Асценари зҩит. Саб иашьа, Иури Мархолиа дрежиссиоруп. Москва дынхоит. Акыр ишгәаӷьыуацәазгьы изысышьҭит. Ибзиоуп иҳәеит. Нас, абригьы абригьы ҳаԥсахуеит ҳәа иҳәеит. Ажәакала, зегь ԥсахтәхеит. Аҩбатәи авариант игәаԥхеит", — лҳәеит лара.

Амиузикл алахәылацәа ҽазышәарыла аҽазыҟаҵарақәа ирҿуп.

"Арепетициақәа ҳарҿуижьҭеи хымзҟа ҵуеит. Аҵыхәтәантәи аамҭазы есыҽны ҳҽазыҟаҳҵоит. Хаҭала сара сызгьы амиузикл ақәыргылара аинтерес ду аҵоуп" ҳәа еиҭалҳәоит Мархолиаԥҳа.

Амиузикл иалахәуп: апроект "Ты супер!" Валериа Адлеиаԥҳа, апроект "Голос" алахәыла Софиа Миаукина.

Ахәыҷтәы миузикл "Волшебный глобус" информациатә партниорны иазыҟалоит амаҵзура– Sputnik.

Ихадоу атемақәа