Енгин Ҭаскуач-иԥеи Муҳамед Иашбеи Ҭырқәтәыла Апарламент иадепутатцәахеит

© AFP 2023 / ADEM ALTAN Великое национальное собрание Турции
Великое национальное собрание Турции - Sputnik Аҧсны
Анапаҵаҩра
Амҽыша, рашәара 24 рзы Ҭырқәтәыла иаатит абжьыҭиразы алхырҭатә ҭыԥқәа заанаҵтәи апрезиденттәи апарламенттәи лхрақәа рымҩаԥгаразы. Ԥшьҩык аԥсуаа Ҭырқәтәыла Апарламент ахь ркандидатурақәа ықәыргыла.

АҞӘА, рашәара 25 – Sputnik. Ԥшьҩык аԥсуаа Ҭырқәтәыла Апарламент ахь ркандидатурақәа ықәыргылан, урҭ рахьтә ҩыџьа Апарламент ҿыц иалалоит ҳәа Sputnik иазеиҭеиҳәеит Ҭырқәтәыла иҟоу Аԥсны Ахаҭарнак Вадим Ҳаразиа.

"Енгин Ҭаскуач-ипа (Папба) апровинциа Сакариа ахьӡала дықәгылан. Иара идагьы кандидатс иқәгылан Зафер Кьылба, ақалақь Диузџье аҟынтәи, Елиф Ашьхаруа Сакариа ақалақь аҟынтәи. Урҭ рҟынтәи ҩыџьа – Енгин Таскуач-иԥеи (Папба) Муҳамед Иашбеи Ҭырқәтәыла Апарламент иадепутатцәахеит", — иҳәеит Ҳаразиа.

Ҳаразиа иҳәеит аԥсуа милаҭ иаҵанакуаз рҟынтәи зегь раасҭа дқәыԥшын Муҳамед Иашба. Иара 32-шықәса ихыҵуеит.

"Аҳәаанырцәтәи анаԥшыҩцәа ишырҳәо ала алхрақәа азакәан еилагарада имҩаԥысит. Азинеиҿкаара хылаԥшра арҭон 500 000-ҩык аполициа аусзуҩцәа", — ҳәа еиҭеиҳәоит Вадим Ҳаразиа.

Амҽыша, рашәара 24 рзы Ҭырқәтәыла иаатит абжьыҭиразы алхырҭатә ҭыԥқәа заанаҵтәи апрезиденттәи апарламенттәи лхрақәа рымҩаԥгаразы.

Атәыла Ахада иалхразы алхратә биуллитень ианын: Ҭырқәтәыла иахьатәи апрезидент Таип Ердоган (Аиашареи аҿиареи рпартиаҟынтәи), Мухаррем Индже (аоппозициатә Жәлар-республикатә партиа аҟынтәи), Селахаттин Демирташ (акурдцәа ирыдгыло жәлар рдемократиа Апартиа), Мераль Акшенер (Апартиа бзиа аҟынтәи), Темел Карамоллаоглу (Анасыԥ Апартиа аҟынтәи), Догу Перинчек (апартиа "Родина" аҟынтәи).

Абжьыҭира азин рымоуп 56,3 миллионҩык алхыҩцәа.

Ажәабжьқәа зегьы
0