06:43 18 Жәабран 2019
Ишиашоу ицо аефир
  • USD66.70
  • EUR75.25
Сухумский городской суд. Архивное фото.

Адукатцәа анаркотикқәа алазырҵәоз рганахьала аӡбарҭа аӡбымҭа иазашшит

© Sputnik Томас Тхайцук
Аԥсны
Икьаҿу ахьарԥш аиура
25 0 0

Аҟәа ақалақь аӡбарҭа 2018 шықәса лаҵарамзазы анаркотикқәа рылазырҵәоз Қьамал Османови, Дмитри Нестернеи, Ельдар Мамедови ашьауӷа рықәнаҵеит.

АҞӘА, ԥхынгәы 11 – Sputnik. Аҟәа ақалақь аӡбарҭа 2018 шықәса лаҵарамзазы анаркотикқәа рылазырҵәоз Қьамал Османови, Дмитри Нестернеи, Ельдар Мамедови ашьауӷа рықәнаҵеит. Зус рыӡбыз рдукатцәа ареспублика Иреиҳаӡоу аӡбарҭаҿы Аҟәа ақалақь аӡбарҭа аӡбымҭа иазашшит ҳәа аанацҳауеит Иреиҳаӡоу аӡбарҭа апресс-маҵзура.

Аҟәа ақалақь аӡбарҭа 2018 шықәса лаҵарамзазы анаркотикқәа рылазырҵәоз Қьамал Османови, Дмитри Нестернеи, Ельдар Мамедови ашьауӷа рықәнаҵеит.

Қьамал Османов аҭиразы изакәанымкәа анаркотикқәа раахәареи рыҵәахреи рзы 15 шықәсеи штраф ҳасабла 300 нызқь мааҭ ашәареи иқәҵан.

Дмитри Нестерниа 18 шықәса акалониаҿ ахгареи 350 нызқь мааҭ аштраф ашәареи иқәҵан.

Ельдар Мамедов иԥсахьынӡаҭоу бахҭала ахгареи 300 000 мааҭ аштрафи иқәҵан.

Аусӡбараан Аҟәа ақалақь аӡбарҭа ашьаустәи ашьаус-процессуалтә закәанқәеи еиланагеит ҳәа иқәгылеит адукатцәа.

Дара ргәаанаграла ашьауӷа иашам, еиуеиԥшым, еиҿагыло алкаақәа рыла еибыҭоуп ҳәа аҳәоит адырраҭараҿы.

Аус аиҭахәаԥшра мҩаԥысраны иҟоуп Роман Кәарҷиа ихантәаҩрала, ԥхынгәы 24 рзы Аԥсны Иреиҳаӡоу аӡбарҭаҿы.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    456
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110