Аԥсны Ахадеи Аминистрцәа Реилазаареи аилацәажәара мҩаԥыргеит

© Фото : Пресс-служба президента Рауль Хаджимба
Рауль Хаджимба - Sputnik Аҧсны
Анапаҵаҩра
Аԥсны Ахада Рауль Ҳаџьымбеи Аминистрцәа Реилазаара алахәылацәеи аилацәажәара мҩаԥыргеит цәыббра 10 рзы.

АҞӘА, цәыббра 10– Sputnik. Атәыла Ахада иазгәеиҭеит иазыԥхьагәаҭоу аусурақәа зегьы ишарбаз еиԥш имҩаԥгатәуп ҳәа. Абри атәы аанацҳауеит Ахада ипресс-маҵзура.

Геннадий Гагулия - Sputnik Аҧсны
Геннади Гагәылиа аҵыхәтәантәи имҩахь днаскьаргоит цәыббрамза 12 аҽны

"Иҟоу аҭагылазаашьа ауадаҩра иахьмырԥшыкәа аусура ашәымҭак акәзаргьы еихәлахар ҟалом. Иазыԥхьагәаҭоу аусурақәа зегьы ишарбаз еиԥш имҩаԥгатәуп. Макьаназы Аԥыза-министр инапынҵақәа неигӡалоит Аԥыза-министр актәи ихаҭыԥуаҩ Даур Аршба", — иҳәеит Ҳаџьымба.

Иаарласны аусура хыркәшатәуп аиндикативтә план аганахь ала ҳәа азгәеиҭеит иара.

"Аԥыза-министр ихаҭыԥуаа рнапы иану ахырхарҭақәа рыла аус рулароуп. Зегьы аҭакԥхықәра ду шәыдуп, шәаҵагылароуп" — иҳәеит Ахада.

Аԥсны аԥыза-министр Геннади Гагәылиа иԥсҭазаара далҵит Мысра ааигәара иҟалаз амҩатә машәыр иахҟьаны, цәыббрамза 8, асааҭ рзы 23:10 рзы.

Геннади Гагәылиа дызҭатәаз автомашьына Шәачатәи аҳаиртә баӷәазаҟынтәи Аԥсныҟа иаауаз аиҳабыратә кортеж иахәҭакын.

Ареспубликатә трасса 47-тәи акилометр, Блабырхәа ақыҭа ааигәара Ҭарсман Аԥсны амҩатә ныҟәара аԥҟарра еилеигеит. Ҳаџьараҭ Ҭарсман Аԥсны Аминистрцәа Реилазаара иатәу Баҭал Бгьоу зыԥсҟы икыз, аԥыза-министр Геннади Гагәылиа дызҭатәаз автомашьына "Toyota Camry" иасит. Амашьынаҿ дыҟан иара убасгьы аҳәынҭқарратә ахьчаратә маҵзура аусзуҩ Алхас Џьениа", — ҳәа иҳәеит аминистр.

Сотрудники милиции на месте ДТП в результате которого погиб премьер-министр Абхазии Геннадий Гагулия - Sputnik Аҧсны
Аԥыза-министр дахьҭахаз амҩатә машәыр аҿы уаҳа аӡәгьы ԥырхага имоуит

Аԥыза-министр Геннади Гагәылиа дызҭаз автомашьына "Toyota Camry" ажра иҭаҳаит.

Геннади Гагәылиа иоуз аахақәа ирыхҟьаны иԥсҭазаара далҵит.

Егьырҭ, амашьына арныҟәцаҩи Аԥыза-министр ихьчаҩи рыԥсҭазаарақәа ашәарҭа иҭагылам. Урҭ ахәышәтәырҭа илырҩааит.

Иҟалаз инадҳәаланы ашьаус хацыркуп. Ҭарсман даанкылоуп.

Аԥсны Ахада иакәзар, дызҭаз автомашьына иара абри аколонна иалан. Атәыла Ахада ԥырхага имоуит. Аиҳабыратә кортеж иашьҭанеиуаз автобус иҭаз аԥсуа делегациа алахәылацәагьы ԥырхага рмоуит.

Аԥсны Ахада ипресс-маӡаныҟәгаҩ Наала Аҩӡыԥҳа Аԥыза-министр иҭахара амҩатә машәыр ауп изыхҟьаз, иԥсҭазаара ашәарҭара аҭаргыларазы ҽазышәара ыҟамызт ҳәа ахылҳәааит.

Ажәабжьқәа зегьы
0