01:38 07 Нанҳәа 2020
Ишиашоу ицо аефир
  • USD73.04
  • EUR86.62
Аԥсны
Икьаҿу ахьарԥш аиура
59 0 0

1980 шықәсазтәи Аолимпиадаҿы аҵәы аршәразы араӡынтә медаль занашьаз Саида Гәынԥҳа 60 шықәса дшырҭагылаз лыҧсҭазаара далҵит.

АҞӘА, абҵара 25 — Sputnik. Асмат Ҵәыџьԥҳа. Саида Гәынԥҳа- аԥсуа спортсменцәа инарылукаашаз, зыԥсҭазаара зегьы аспорти зыԥсадгьыли ирзызкыз, згәы разыз уаҩын, абас иҳәеит Аолимпиатә комитет аиҳабы ихаҭыԥуаҩ Валери Барцыц.

Саида Гәынԥҳа атлетика лас ахь днеиит 1974 шықәса рзы. Зыҟаҵаҩцәас илыман Михаил Каракеиани Илиа Гигаурии. Атлетика ласы азы СССР акоманда даларҵеит 1977 шықәса рзы.

"Саида илылаз аҟыбаҩ иаразнак еицгәарҭеит. ССР аҿартә спартакиадақәа иаразнак аҽалархәра далагеит. Аусура бзиа лбон, ахӡыргара дашьҭымызт", - иҳәеит Барцыц.

1980 шықәсазы Москватәи аолимпиадаҿы аҩбатәи аҭыҧ лгеит, аҵәы 67,76 метра илыршәит.

"Сара хаҭала салахәын аҳамҭа ланашьаратә церемониа. Уи иреиҳаз ҳамҭан, азал зегьы ршьапы иқәгылан, ҳаҭыр ду лықәырҵон",- иҳәеит иара.

Чемпионка VII летней Спартакиады народов СССР 1979 года в метании копья Светлана (Саида) Гунба.
© Sputnik / Р. Максимов
Чемпионка VII летней Спартакиады народов СССР 1979 года в метании копья Светлана (Саида) Гунба.

Москватәи аолимпиада анаҩсан Саида Гәынԥҳа, аспорт ду ааныжьны Пицундаҟа дгьежьыр акәхеит.

Аԥсны Аџьынџьтәылатәи еибашьра ианалага Саида Гәынԥҳа аԥсадгьыл ахьчаразы днагылеит. Иаалырԥшыз афырхаҵаразы иланашьоуп Леон иорден.

"1992 шықәсазы еиҭах иаалырԥшит лыԥсадгьыл ахь илымаз абзиабара, агәымшәара. Ахаҵамԥхәыс ҳәа ззырҳәо лакәын. Ахаан акы азы дгәамҵуа сымбацызт", - ҳәа азгәеиҭеит Барцыц.

Ԥшьы-шықәсоуп Саида Гәынԥҳа лаԥхьахә аиуразы Атлетика лас азы иаарту ареспубликатә турнир мҩаԥыргоижьҭеи.

1978 шықәса рзы — Рига, СССР ақәыԥшцәа рыбжьара аԥхьахә лгеит. 1979 шықәса рзы – СССР жәлар аԥхынтәи рспартакиада ачемпионка.

1978 шықәса рзы СССР ачемпионка. 1979 шықәса рзы – Нидерланды, Европа акубок афиналбжа аиааиҩы.

1989 шықәса рзы Токио, аиндаҭларақәа рҟны аиааира лгеит. 1980 шықәса рзы, Аолимпиатә хәмаррақәа рҟны Саида аҵәы лыршәит 67, 76 метра. Аҩбатәи аҭыԥ аанылкылеит.

Саида Каҧаса-иҧҳа Гәынба диит август 30 1959 шықәсазы Аҟәа.

Аҵәы аршәразы СССР еизгоу акомандазы 1978 инаркны 1988 шықәсанӡа дықәгылон.

Аибашьраан лара санинструкторс дыҟан, иланашьоуп "Агәымшәаразы" амедаль, "Ахьӡ-аҧша" аорден ахҧатәи аҩаӡара.

Ихадоу атемақәа