02:42 11 Ԥхынҷкәын 2018
Ишиашоу ицо аефир
  • USD66.24
  • EUR75.71
А-X-тәи ашәышықәса иаҵанакуа Бзыԥҭатәи аныхабаа

Бзыԥҭатәи аныхабаахь...

© Фото : Саида Жиба
Аԥсны
Икьаҿу ахьарԥш аиура
10310

А-X-тәи ашәышықәса иаҵанакуа Бзыԥҭатәи аныхабаахь, ҳтәылауаа рнаҩс Аԥсны иаҭаауа асасцәа мҩахыҵуеит. Архитектуратә баҟеи, изгәылаку аԥсабареи дарбанзаалак доуҳала дахәшәтәуеит, иԥсы инаршьоит. Иԥшьоу аҭыԥ аҟны иҷыдоу аҭагылазаашьа аԥҵоуп. Аныхабааи, акәша-мыкәшеи есқьынагьы ицқьоуп, џьара быбыцк каршәны иубом. Уи зыбзоуроу, ари абаҟеи, аҵакыреи хатәгәаԥхарала ирхылаԥшуа Бзыԥҭа ақыҭанхаҩы Роман Канџьариа иоуп.

Саида Жьиԥҳа, Sputnik

- Агәамсам ныжьны шәымцан, ҳәа хаҵабжьык аагеит, Бзыԥҭатәи аныхабаа амҵан, адәҳәыԥш аҟны ҳтәаны, сҩызцәеи сареи ҳамҩаныфа анаацәыраҳга.

- Мап, ҳара уи аҩыза ҳхы иақәҳнаргом ҳәа ҿааҳҭеит, ҳганахь иааиуаз иахь.

- Аныхабаа арымарахьтәи аҩналарҭала шәыҩнал, ацәашьқәа уа иҟоуп, иҳәеит ҩаԥхьа ихы ҳақәкны.

- Аиеи, иҭабуп ҳәа наиаҭаҳкын, ҳчеиџьыкахь дааҳаԥхьеит.

Роман, ус ихьӡын азнык азы џьашьатәыс иаҳзыҟалаз ахаҵа. Ҳаибадырра ашьҭахь еилаҳкааит, ари аҭыԥ ссир улаԥш аргәырӷьартә еиԥш иҟазҵаз иара шиакәу.

Бзыԥҭа ақыҭанхаҩы Роман Канџьариа
© Фото : Саида Жиба
Бзыԥҭа ақыҭанхаҩы Роман Канџьариа

Роман Канџьариа Бзыԥҭатәи аиҩхаа, аныхабаа азааигәара дынхоит. 26 шықәса раахыс хатәгәаԥхарала ихы иадиҵеит ари аҭоурыхтә-культуратә ҭынха ахылаԥшра. Роман илаԥш дыҵамшәакәа аныхабаахь аӡәгьы дызнеиуам. Уахь ухазгало, абахә иаҿоу амҿтәы мардуан зшьапы ықәзыргыло зегьы дрышьҭагыланы иҿынеихоит.

Бзыԥҭа ақыҭанхаҩы Роман Канџьариа
© Фото : Саида Жиба
Бзыԥҭа ақыҭанхаҩы Роман Канџьариа

Абаҟа иахылаԥшуа, аҭааҩцәа ргәы рҽаниҵоит ииашаны рхы мҩаԥыргарцаз. Иреиҳәоит аныхабаа ишыҩналатәу, ацәашьы ахьықәдыргыло, иара убас акәша-макәша изызҳауа, ауаҩы ихы иаирхәо ахәшә ҵиаақәа дирбоит, ирзеиҭеиҳәоит рхархәашьа, хаҭала иҟәшәаны ианриҭогьы ыҟоуп.

"Акыр шықәса раԥхьа, анцәа иҟнытә агәаҳәара соуит, есыҽны абрахь схаланы аҭагылазаашьа ахылаԥшразы. Аныхабаа хкааӡам, арахә ҭалоит, сара ианызбо иаразнак иҭысцоит, ауац згоит, амаӷқәа ԥысҟоит, аԥхынра ашьац сырхуеит. Иааиуа ргәы иахәаратәы, изласылшо ала ацқьара аԥысҵоит, сыҩнеиԥш бзиа избоит", - иҳәоит Роман.

Бзыԥҭа ақыҭанхаҩы Роман Канџьариа
© Фото : Саида Жиба
Бзыԥҭа ақыҭанхаҩы Роман Канџьариа

Ахылаԥшҩы иаҳзеиҭеиҳәеит, аныхабаахь аԥсшьаҩцәа ахәыҷқәа рыманы ианнеиуа, шьҭахьҟа ацара шырҭахым.

"Аҭаацәа Риҵаҟа ихаларц анырҭаху, рыхшара сара исзынрыжьуеит. Иаанӡа даргьы саргьы ашәҭқәеи, аргәыцқәеи (ягоды) ҳҟәшәоит. Адәҳәыԥш аҟны исырхәмаруеит", - еиҭеиҳәоит Роман.

Амра хаала ҳзыргәырӷьаз аӡын раԥхьатәи амшқәа, иҳарҭеит алшара Бзыԥҭатәи аныхабааи акәша-мыкәшеи аимдара. Аҩныҟа ацара зҭахымыз, алашьцамҭаз ҳалбаар акәхеит.

- Шәаангыл, ҳамҭақәак шәысҭар сҭахуп ҳәа ибжьы иргеит, "ҿымҭӡакәа дабацеи" ҳәа ҳзызхәыцуаз Роман.

- Абри, ачаи иаҭаны ишәжәыр, шәгәабзиара иазеиӷьуп ҳәа ҳацԥхьаӡа ашьхарчаи (чебрец-аред.), ацхаҳаскьыни (мелисса-аред.) рҿаҳәарақәа наҳиркит. Арҭгьы шәара шәзоуп,-иҳәан акәадац рыцқәеи (шиповник-аред.), аконфеттә ҵла ҳәа изышьҭоу ашәырқәеи ҳаиҭеит.

Роман инапала иаԥиҵаз ацқьареи, иара иԥхарреи ирыбзоураны лассы-лассы аныхабаахь иҳахоит.

Бзыԥҭа ақыҭанхаҩы Роман Канџьариа
© Фото : Саида Жиба
аконфеттә ҵла

Ихадоу атемақәа