09:54 18 Нанҳәа 2019
Ишиашоу ицо аефир
  • USD66.00
  • EUR73.22

Двинианин Аԥсны аидарақәа транзитла ралгаразы: Аԥсназы уи цәгьаӡам

© Sputnik / Томас Тхайцук
Аԥсны
Икьаҿу ахьарԥш аиура
58 0 0

Аԥсны иҟоу Урыстәыла ацҳаражәҳәаҩ Алексеи Двинианин ахҳәаа аиҭеит Женева, "Атауарқәа рыла ахәаахәҭра амониторингмҩаԥгареи аҳазалхратә напхгара апринцип хадақәеи рзы" аиқәшаҳаҭра алацәажәаразы  Урыстәылеи Қырҭтәылеи реилатәара.

АҞӘА, жәабран 8 – Sputnik, Бадраҟ Аҩӡба. Аԥсны иҟоу Урыстәыла ацҳаражәҳәаҩ Алексеи Двинианин ахәаша, жәабран 8 рзы Sputnik аҟны имҩаԥигоз апресс-конференциаҿ иҳәеит ареспублика аҵакыра иалырго ахәаахәҭратә транзит феидарамзар шәарҭара алам ҳәа.

"Аԥсназы уи хра амоуп. Аиқәшаҳаҭра ахԥатәи аганқәа (Аԥсныи Аахыҵ Уаԥстәылеи) ирԥырхагам. Аиқәшаҳаҭраҿы излацәажәоу Қырҭтәылеи Урыстәылеи рҵакырадгьылқәа роуп. Уоуп иахьазыԥхьагәаҭоу аҳазалхратә ҭыԥқәа рыргыларагьы", - ҳәа иҳәеит иара.

Убри аан ацҳаражәҳәаҩ игәаанагарала Қырҭтәылеи Урыстәылеи рыбжьара аидарамҩангара амониторинг азура аиҿкаараҟынӡа аамҭа акыр цашт.

Женева, жәабран 6 рзы "Атауарқәа рыла ахәаахәҭра амониторингмҩаԥгареи аҳазалхратә напхгара апринцип хадақәеи рзы" аиқәшаҳаҭра алацәажәаразы Урыстәылеи Қырҭтәылеи реилатәара мҩаԥысит.

"Ари х-ганктәи аилак раԥхьатәи аилатәароуп. Аԥсны ажәлари аҟазауааи абри аиқәшаҳаҭра аганахь ала гәынамӡара рмоуроуп избанзар ара аԥсуа тауарқәа ирылацәажәаӡам", - иҳәеит иара.

Ацҳаражәҳәаҩ иажәақәа рыла, аполитикатә ҟазшьа ахаршҭрагь ҟалом, Аԥсны иалган атранзит мҩа агаранӡа Қырҭтәыла Аԥсны ахьыԥшымра азханаҵароуп.

"Сара макьаназы Қырҭтәыла анапхгара усеиԥш агәҭакы рымоуп ҳәа сыздырам", - иҳәеит ацҳаражәҳәаҩ.

Урыстәыла-Қырҭтәылатәи аиқәшаҳаҭра напы аҵаҩын 2011 шықәса абҵара 9 рзы, Урыстәыла ВТО алалара ашьҭахь.

Аиқәшаҳаҭра аусура амониторинг азура швеицариатәи аилахәыра SGS иадҵан.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    2
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    171