АҞӘА, хәажәкыра 5 - Sputnik. Урыстәыла ашәарҭадаратә маҵзура Аҳәаахьчаратә усбарҭа аусзуҩцәа аурыс-аԥсуа ҳәааҿы иааныркылеит автомашьына "Mercedes – Benz Viano".
Иааныркылаз амашьынаҿы амаӡаҵәахырҭа аарԥшын. Аҵәахырҭаҿ иҭан 2,5 нызқь цыра аҭаҭынҭра (100000 мааҭ зыхәԥса наӡоз).
Азакәан иаҵанамкуаз атауар анырба ашьҭахь Mercedes амашьынатә цәаҳәа иқәганы инарҵаулоу агәаҭарҭахь инаргеит.
Аҭаҭын аалыҵ аекспертизахь инарышьҭит.
2019 шықәса ҳааҭалеижьҭеи, абасеиԥш иҟоу ахҭысқәа рганахьала Шәачатәи аҳазалхыҩцәа 57 ус хацдыркхьеит.
Хәажәкыра 1 инаркны Урыстәыла аусура иалагеит аконтрафакт аԥыхра алзыршо аҭаҭын аалыҵ ацифратә дырга аҭаразы азинмчы.
