АҞӘА, хәажәкыра 26 - Sputnik. Аԥсны Аҳәынҭқарра Ашәарҭадаратә маҵзура аофициалтә саит аҟны адырра ҟарҵеит Аԥсныи Қырҭтәылеи рҳәаа изакәанымкәа ахысразы ҵыԥх 300-ҩык инареиҳаны азинеилагаҩцәа шаанкылаз, уи ахыԥхьаӡара 2017 шықәсазтәи арбагақәа раасҭа хынтә еиҵоуп.
Аԥсуа-ақырҭуа ҳәаа еилазгаз Қырҭтәыла атәылауаа аанкылоуп
Ас еиԥш аилагарақәа реиҵахара ахҟьоит ҳәа иазгәарҭоит аҳәаа ахьчаразы Аԥсны Ашәарҭадаратә маҵзура аҳәаахьчаратә усбарҭеи Урыстәыла Афедералтә шәарҭадаратә маҵзура Аҳәаахьчаратә усбарҭеи еицымҩаԥырго ауснагӡатәқәа реиӷьтәра.
Гал араион иаанкылаз Қырҭтәыла атәылауаҩ иҽыкнеиҳаит
Адырраҭараҿы иара убасгьы инаҵшьны иазгәаҭоуп азинеилагаҩцәа реиҳарак административтә хьырхәра иақәыршәоуп ҳәа: 100-ҩык инареиҳаны ахараԥса рықәҵоуп, даҽа 12-ҩык Аԥсны иалцоуп, егьырҭ рганахьала апрофилактикатә усмҩаԥгатәқәа нагӡоуп.
