АҞӘА, мшаԥы 8 - Sputnik. Аԥсны АҶА аиҵаҟәшақәа Мамзышьха амцарцәара иаҿуп, авертолиот Ми-2 рхы иархәаны. Уи ари аҩыза аҭагылазаашьазы иақәнагоу атехникала иеиқәыршәоуп. Абри атәы аанацҳауеит аусбарҭа апресс-маҵзура асоциалтә ҳа Facebook аҟны ахатә даҟьаҿы.
"Абылра ахьыҟалаз изныкымкәа ҳхылахьеит, алҵшәақәагьы ыҟоуп. Амца ауаа ахьынхо атыԥқәа ирзааигәахо иалагахьеит. Уи аганахьгьы авертолиот ҳашьҭуеит", - аҳәоит адырраҭара.
Уеизгьы, Мамзышьха иазааигәоу аиланхарҭақәа ари амцакра ԥырхага ҟанаҵарым рҳәоит АҶА аусбарҭаҿы.
Мамзышьха амцакра шыҟалаз гәарҭеит мшаԥы 7 рзы, убри аҽны аҭагылазаашьа ҷыдақәа рзы аминистр Лев Кәыҵниа авортолиот ала уи аҭыԥ дахыԥрааны игәеиҭеит.