АҞӘА, мшаԥы 9 - Sputnik. Шәачатәи аҳазалхыҩцәеи Краснодартәи атәылаҿацә аҟны иҟоу Урыстәыла АШәМ Аҳәаахьчаратә усбарҭа аусзуҩцәеи Аԥснынтәи Урыстәылаҟа закәаншьаҭада аҭаҭын аалыҵ ииазгоз ааныркылеит ҳәа аанацҳауеит Аладатәи аҳазалхратә усбарҭа аофициалтә саит.
Автомашьына Лифан ахатәтәҩы ҩеижәа ҭоԥ асигарет ҵәахны, ашәҟәы рыцӡамкәа аҳәаа иахигарц дшаҿыз даанкылан.
Аԥсны атәылауаҩ иажәақәа рыла иара Шәача инхо иҩызцәа аҳамҭа рзыҟаиҵар иҭахын. Иара ишиҳәаз ала аҳазалхыҩцәа амашьына гәарҭоит ҳәа дыҟамызт.
Уи адагьы, аҽа машьынак аҿгьы ирыԥшааит закәашьаҭада аҳәаа иахыргоз аҭаҭын аалыҵ.
"Абри аан амашьына зтәыз "ииаугозеи" ҳәа ианиазҵаагьы аҭаҭынаалыҵ аӡбахә имырзаӡеит", - ҳәа аҳәоит адырраҭараҿы.
Атауари автомашьынақәа рыҩбеи аанкылоуп. Аҭаҭын аалыҵ аекспертизахь инашьҭуп. Административтә зинеилагарала аусҭҵаара хацыркуп.
