08:19 26 Лаҵара 2019
Ишиашоу ицо аефир
  • USD64.61
  • EUR72.32
Харитон Агрба

Харитон Агрба Адунеи ахраҿаҟны араӡны медал даиааит

© Фото: volgodonsk.news
Аԥсны
Икьаҿу ахьарԥш аиура
35 0 0

Абокс азы Адунеи ахраҿа агара иалахәын ҩажәа тәыла рҟынтәи аспортсменцәа. Иара мҩаԥысуан ақалақь Киольн мшаԥы 10 - 13 рзы.

АҞӘА, мшаԥы 15 – Sputnik, Бадри Есиава. Аԥснытәи аспортсмен, Урыстәыла иеизгоу амилаҭтә команда алахәыла Харитон Агрба араӡны медал даиааит Киольн имҩаԥысуаз Абокс азы Адунеи ахраҿа агаразы аиндаҭлараҿы. Абри атәы Sputnik акорреспондент изааицҳаит Харитон Агрба.

"Сара хынтә сықәгылеит. Актәи ақәгылараан синдаҭлон Китаи ахаҭарнак, аҩбатәи аан – Германиатәи. Урҭ рҩыџьагьы сыриааит. Афинал аҿы Урыстәылатәи аспортсмен, Аолимпиатә хәмаррақәа рҟны ахԥатәи аҭыԥ аанызкылаз Андреи Замков сиқәшәеит. Аочкоқәа рыла иара аиааира ирҭеит. Ари аӡбамҭа маҷк аимак-аиҿак ацын, аха уеизгьы сара аҩбатәи аҭыԥ санашьахеит", - еиҭеиҳәоит иара.

Харитон Агрба дазыҟаиҵоит Роман Подопрогора. Иара игәы иҭоуп 2019 шықәса рзы Минск имҩаԥысраны иҟоу аиндаҭларақәа рылахәра.

Харитон Агрба 23 шықәса ихыҵуеит, Абокс инапы алакуижьҭеи жәаха шықәса ҵуеит.

Абоксиор Харитон Агрба кубатәи аолимпиатә чемпион иҟны аиааира игеит>>

Харитон Агрба диит Гагра. Хәышықәса анихыҵуаз иҭаацәа нхара ҳәа Волгодонскҟа ииасуеит, нас - Ростов-на-Дону ахь.

 

Ихадоу атемақәа