Аԥхынтәи аамҭазы Аԥсныи Урыстәылеи х-дәыӷбак еимардоит

© Sputnik / Владимир Песня / Амедиаҵәахырҭахь аиасраАдәыӷба
Адәыӷба - Sputnik Аҧсны
Анапаҵаҩра
Урыстәылантәи Аԥсныҟа иаауа адәыӷбақәа ахархәара ду роуеит ҳәа Sputnik иазеиҭеиҳәеит "Федеральная пассажирская компания" апресс-маӡаныҟәгаҩ Владимир Кравцов.

АҞӘА, мшаԥы 16 – Sputnik. Аԥхынтәи аамҭазы Аԥсныи Урыстәылеи адәыӷбақәа хԥа еимардоит иҳәеит радио Sputnik аинтервиу азҭаз "Федеральная пассажирская компания" апресс-маӡаныҟәгаҩ Владимир Кравцов.

"Ақалақьқәа Москва, Санкт-Петербург, Самара рҟынтәи адәыӷбақәа хԥа бжьалоит. Москвеи Санкт-Петербурги рҟынтәи адәыӷбақәа есыҽны иаалоит. Самаратәи адәыӷба акәзар, мчыбжьык ахь хынтә-ԥшьынтә ибжьыслоит", - иҳәоит Кравцов.

Рашәарамза инаркны нанҳәамзанӡа Москвеи Санкт-Петербурги рҟынтәи адәыӷба есыҽны ибжьыслоит.

Отдых в Абхазии - Sputnik Аҧсны
Урыстәылауаа еиҳа аԥсшьара ахьырҭаху атәылақәа хәба ирылоуп Аԥсны

"Арҭ адәыӷбақәа Урыстәылатәи Афедерациаҿы иныҟәо адәыӷбақәа иреиуоуп: аплацкарт, акупе. Аԥсны иаҭаар зҭаху атуристцәеи аԥсшьаҩцәеи рзы иманшәалахоит. Иара убасгьы иаку абилеҭ ала Аԥсныҟа аара алшоит. Уи иаанаго Адлерынӡа иааз атурист имҩа иациҵар илшоит автомобилтә транспорт ала", - азгәеиҭоит "Федеральная пассажирская компания" апресс-маӡаныҟәгаҩ Владимир Кравцов.

Иара иажәақәа рыла Урыстәылатәи аихамҩа асаит аҿы иаарԥшуп абилеҭқәа ахьынҵәахьоу арыцхәқәагьы.

Абилеҭ аахәара алшоит 90 мшы шыбжьоу инаркны уанцо амш аҟынӡа. Уи акыр иманшәалоуп ҳәа иҳәоит Кравцов.

"Уи адагьы 90 мшы раԥхьа абилеҭ ааухәозар, аекономиагьы ҟауҵар ауеит", - иҳәоит иара.

Иара иажәақәа рыла, аплацкарт ахәԥса алаҟәра инадҳәаланы иаазхәо рацәоуп.

Первый пассажирский рейс круизного лайнера Князь Владимир в Сочи - Sputnik Аҧсны
Акруизтә лаинер "Князь Владимир" Аԥсныи Урыстәылеи ркурортқәа еиднаҳәалоит

Атуристтә фирма "Аԥсуа Тур" адиректор хада Елизавета Маланиаԥҳа Аԥснытәи асасааирҭақәа рҟны заанаҵ ауадақәа уиаҟара иахьаҿарымҵо зыхҟьои ҳәа азҵаара аҭак ҟаҵо илҳәеит уи мзызс еиҳарак ишамоу Аԥсныҟа иаауа адәыӷбақәа рмаҷреи аҳаиртә еимадара ахьыҟами.

"Аԥсныҟа иаауа адәыӷбақәа рхыԥхьаӡара иацҵатәуп. Урҭ ахәыҷқәа змоу аҭаацәарақәа рзы даара иманшәалоуп", - лҳәоит Маланиаԥҳа.

Лара иазгәалҭеит аҳаиртә баӷәаза аартра иахьа-уаҵәы изалмыршахаргьы, адәыӷбақәа рхыԥхьаӡара ацҵара ауаа раареи урҭ заанаҵы анхарҭа ҭыԥқәа ҿарҵо аҟаҵареи алнаршон ҳәа.

 

Ажәабжьқәа зегьы
0