11:02 18 Нанҳәа 2019
Ишиашоу ицо аефир
  • USD66.00
  • EUR73.22
Аԥсны Аекономика аминистр Адгәыр Арӡынба

Аԥсныи Шьамтәылеи Аиҳабырабжьаратә комиссиа аԥырҵоит

© Фото: сайт Министерства Экономики Абхазии
Аԥсны
Икьаҿу ахьарԥш аиура
35 0 0

Аԥсныи Шьамтәылеи аекономика аминистрцәа еиԥылеит Иалтатәи жәларбжьаратәи аекономикатә форум аҳәаақәа ирҭагӡаны. Уи Ҟрым имҩаԥысуеит мшаԥы 18-20 рзы.

АҞӘА, мшаԥы 19 – Sputnik, Асмаҭ Ҵәыџьба. Аԥсныи Шьамтәылеи рделегациақәа аиҳабырабжьаратә комиссиа аԥҵаразы аӡбамҭа рыдыркылеит. Уи шьаҭас иаиуит арҭ аҩтәылак 2018 шықәсазы рнапы зҵарҩыз аиқәшаҳаҭрақәа. Абри атәы арадио Sputnik иазеиҭеиҳәеит Аԥсны Аекономика аминистр Адгәыр Арӡынба.

"Ҳара ҳалацәажәеит акомиссиа аилазаара. Иаарласны аофициалтә шәҟәқәа еимаҳдоит, урҭ акомиссиа шьаҭас иаиуеит", – иҳәеит аминистр.

Арӡынба иажәақәа рыла, аҩганк рхаҭарнакцәа ҳтәылақәа рыбжьара баџьдатәи ахәаахәҭразы аиқәшаҳаҭра аҷыдарақәа ирылацәажәеит.

"Ҵыԥх Шьамтәыла Аԥсны ахьыԥшымра азханаҵеит, уи иабзоураны баџьдатәи ахәаахәҭарзы аиқәшаҳаҭра анапаҵаҩра алыршахеит. Иахьа ҳалацәажәеит уи аиқәшаҳаҭра хазырҭәаауа ауснагӡатәқәа ртәы. Ҳара ҳхәаахәҭра-ааглыхратә палатақәа мҽхакы ҭбаала аус еицыруеит уи аганахьала", - иҳәоит иара.

Аминистрцәа иара убас иалацәажәеит Ҟрыми Шьамтәылеи рыбжьара аӷба адәықәҵара азҵаара.

"Ҳара ҳалацәажәеит уи амаршрут Аԥсныҟагьы амҩа алаҵазарц, иара абзоурала ҳара ҳнаплакыҩцәа Шьамтәылаҟеи уантәии ртауарқәа рнагаагара рылшо иҟалоит", – азгәеиҭеит Арӡынба.

Иалтатәи жәларбжьаратәи аекономикатә форум есышықәса аекономика аусхк аҟны имҩаԥысуа уусмҩаԥгатәуп. 2019 шықәсазы уи Ҟрым имҩаԥысуеит мшаԥы 18 - 20 рзы. Иалахәхараны иҟоуп адунеи атәылақәа 100 рҟынтәи 3000-ҩык алахәылацәа.

Ихадоу атемақәа

  • Акәашара абызшәа, иара иаҵоу ажәа жәлар рҭоурых аазырԥшуа амыругақәа иреиуоуп. Аха рхы ишԥадырхәо ҳаамҭазы ари амыруга, инанагӡома иара ихадароу ароль - амилаҭтә культуреи абызшәеи ауаа рылааӡараҿы, мамзаргьы аҽырбара акәу еиҳахаз? Абарҭ азҵаарақәа рзы лгәаанагара аалырԥшуеит Sputnik аколумнист Есма Ҭодуа.

    12
  • Аԥсуаа наџьнатә аахыс ирыман ажәаҳәара атрадициа дуқәа. Уи лымкаала рҵеицәа ирыларааӡон. Аԥсуаҭҵааратә институт аетнологиа аҟәша аҭҵаарадырратә усзуҩ Марина Барцыцԥҳа иҳадылгалоит ари аҟазара ҳажәлар рҿы знеишьас, чыдарақәас иамаз, иахьатәи аамҭазы тенденциас изну.

    33
  • Нестор Лакоба сасра дыззаауаз анхаҩ нага, зеиԥшыҟамыз ашәарыцаҩ, Бзыԥҭа аҳаблан ҳаҭыр ду зқәыз, зажәа ҟәышыз, ажәлар ззыӡырҩуаз, аха 37-тәи ашықәс еиқәаҵәақәа раан харада ахара зыдҵаны идырӡыз Маҳҭы Ислам-иԥа Бениа (Кьахьыриԥа) иҭоурых дазааҭгылеит иашьа иԥа имоҭа Беслан Бениа.

    177