12:24 23 Лаҵара 2019
Ишиашоу ицо аефир
  • USD64.49
  • EUR71.84
архивтә фото

Гәымсҭа ақыҭан ахаҵа дызӷьычыз рмашьына акәзар ҟалоит ҳәа агәызҩара ззыҟоу ԥшаауп

© Sputnik Томас Тхайцук
Аԥсны
Икьаҿу ахьарԥш аиура
64 0 0

Мшаԥы 17 рзы Аҟәа араион Гәымсҭа ақыҭан идырым хҩык ауаа ахаҵа дырӷьычит.

АҞӘА, мшаԥы 23 - Sputnik. Аԥсны аҩныҵҟатәи аусқәа рминистрреи Аԥсны ашәарҭадаратә маҵзуреи русзуҩцәа ирӷьычыз ахаҵа, Омар Мерцхәылаа иԥшааразы аоператив-усҭҵаарақәа анеицымҩаԥыргоз ирбеит автомашьына "Mercedes-Benz". Амашьына рыԥшаати асовхоз "Субтропик" агаражтә хыбрақәа рҿы. Абир атәы аҳәоит Аҩныҵҟатәи аусқәа рминистрра асаит.

Автомобиль Mercedes-Benz, обнаруженный в гаражных помещениях на территории совхоза Субтропик в селе Гумиста Сухумского района
Гәымсҭа ақыҭан ахаҵа дызӷьычыз рмашьына акәзар ҟалоит ҳәа агәызҩара ззыҟоу ԥшаауп

Азинхьчаратә органқәа русзуҩцәа амашьына асалон иҭыргеит абџьар, аџьаԥҳаны, акомуфлиажтә форма, асабардақәа, анапҭырԥақәа. Иара убасгьы амашьына абагаж иҭан Урыстәылатәи Афедерациа аҳәынҭқарратә номерқәа.

Аҩбатәи агараж аҿы ирбеит уаанӡа имҵарсыз автомашьына "Lexus".

Аусҭҵаара адыррақәа рыла, мшаԥы 17 асааҭ 22:40 рзы, 1979 шықәса рзы ииз Мерцхәлаа Омар Даҭикәа-иԥа ихатәы машьына Mercedes-Benz Sprinter ала апассаџьыр диманы Гәымсҭа ақыҭа Ешыратәи амҩала дымҩасуан. Амашьына ааныркылеит автомашьына шкәакәа иҭыҵыз, акомуфлиаж форма зшәыз, асабрадақәа зҿаз, бџьарла еибыҭаз хҩык ахацәа. Урҭ Мерцхәлаа имашьына дҭыганы дыргеит.

Аҟәа араион апрокуратура ашьаус хацнаркит. Ахҭыс аҭагылазаашьақәа макьаназы идырзом, рыҭҵаара иаҿуп.

 Ранее угнанный автомобиль Lexus белого цвета, обнаруженный в гаражных помещениях на территории совхоза Субтропик в селе Гумиста Сухумского района
Гәымсҭа ақыҭан ахаҵа дызӷьычыз рмашьына акәзар ҟалоит ҳәа агәызҩара ззыҟоу ԥшаауп

 

Ихадоу атемақәа