АҞӘА, рашәара 3 – Sputnik, Бадри Есиава. Аҟәа, амшын аԥшаҳәаҿы имҩаԥысит зеимахреи зеиҭакреи зуа аҩнымаҭәа ацәыргақәҵа.
Ацәыргақәҵахь инаган ф-усумҭак: еиҵоуԥсо аишәа, агамак, арлашага, амаҭәакнаҳага-арлашага, акресло-шезлонг, аишәақәҵа. Лабахәуа иажәақәа рыла арҭ аусумҭақәа ҵаҵӷәыс ирымоу аҭаацәа аамҭа-аамҭала рынхарҭаҭыԥ рыԥсахыр ахьакәыз ауп.
"Аусумҭақәа зегьы ирзеиԥшу акоуп: еимухуеит, еибуҭоит. Уаанӡа, Москва санынхоз, лассы-лассы ҭыԥ аҟынтәи аҽа ҭыԥк ахь сиаслар акәын. Убасҟан сазхәыцит абри аҩыза аҩнымаҭәа аҟаҵара", - иҳәеит иара.
Асахьаҭыхыҩ, аскульптор Архип Лабахәуа жәибыжь шықәса раԥхьа напалеикит ицәыргақәҵа аекспонатқәа аус рыдулара.
"Москва, жәибыжь шықәса раԥхьа напалеикит ицәыргақәҵа аекспонатқәа аус рыдулара, аха Аԥсныҟа саныхынҳә ауп сусумҭақәа анхыркәшаха", - иҳәоит иара.
Раԥхьаӡа акәны Лабахәуа аекспонатқәа неигеит ацәыргақәҵа "856 деталей" ахь 2015 шықәса рзы. Аха аҭааҩцәа руаӡәк, иҟаз бзианы еилызкаауаз иакәхап, азҵаара рацәа зқәиԥсаз автор аҭакқәа изыҟамҵеит. Лабахәуа еиликааит макьаназ дшазыхиам.
Убри ашьҭахь Архип Лабахәуа еиҳа иныҭкааны иусура напалеикит. Иахьа сара аҩнымаҭәа аҭыжьра сазыхиоуп иҳәеит асахьаҭыхыҩ.
Архип Лабахәуа иусумҭақәа рҿы ихы иаирхәоит афанера, акалам, аметалл.
Архип Лабахәуа ицәыргақәҵа "17 шықәса рнаҩс" ахь инеиз ауаа рацәам. Аиҳарак 2015 шықәса рзы избахьаз роуп.
