15:54 18 Жәабран 2020
Ишиашоу ицо аефир
  • USD63.77
  • EUR69.09
Аԥсны
Икьаҿу ахьарԥш аиура
20 0 0

Аԥсны араионқәеи ақыҭақәеи рзы ашколтә автобус ҿыцқәа раахәаразы 162 миллион мааҭ азоужьын ареспублика асоциал-економикатә ҿиаразы Аинвестициатә программа аҳәаақәа ирҭагӡаны.

АҞӘА, ԥхынгәы 4 - Sputnik, Асмаҭ Ҵәыџьԥҳа. Очамчыратәи араионтә автопарк автобус ҿыцқәа 10 аиуит.

Автобусқәа ареспублика асоциал-економикатә ҿиаразы Аинвестициатә программа инақәыршәаны иаахәоуп. Араион ахада ихаҭыԥуаҩ Виачеслав Қәычбериа иажәақәа рыла, автобусқәа руак ақалақь аҩнуҵҟа иныҟәалоит, автобусқәа ԥшьба ақалақьбжьаратә маршрут ала иныҟәалоит.

"Егьырҭ ԥшь-автобуск араионтә школқәа ирыҭахоит. Очамчыра араион аҿы 29 школ ыҟоуп. Ирымаз 16 автобус азхомызт", - иҳәеит иара.

Ашколтә автобусқәа 3 рыҭахоит Кындыӷ, Џьгьарда, Ҷлоу.

"Автобусқәа руак Очамчыра инҳажьуеит. Ақалақь аҿы х-школки аспортшколи аус руеит. Араҟагьы транспортда акыр иуадаҩуп", - иҳәеит иара.

Автобус ҿыцқәа 23 тәарҭа ҭыԥ рымоуп.

Ԥхынгәымза иаларкны аҳәынҭқарра даҽа 60 автобус ҿыц раахәара азԥхьагәаҭаны иамоуп.

 

Ихадоу атемақәа