АҞӘА, ԥхынгәы 19 - Sputnik, Сариа Кәарцхьиаԥҳа. Гәдоуҭеи Лыхныи ашколқәа аремонт рзыруит. Арҭ аобиектқәа дырҭааит Аԥсны ахада Рауль Ҳаџьымба.
Гәдоуҭатәи абжьаратә школы № 3 аҵарашықәс ҿыц азы ашәқәа аартхоит.
Аԥсны ахада Рауль Ҳаџьымба усутә ныҟәарала Гәдоуҭа араион аҿы иҟазаараан ашкол аҿы аусурақәа шцо абаразы даҭааит. Ашкол № 3 аремонт азура иалагеит 2017 шықәса рзы. Уи иазоужьын 80 миллион 400 нызқьмааҭ. Аргылаҩцәа ашкол адәахьтәи аусурақәа мҩаԥыргахьеит.
"Аремонт амҩаԥгараан проблема рацәа ҳмоуит. Иаанханы иҟоу адашьма ақәҵароуп, нас ашкол акәша-мыкәша арԥшӡара. Аҿҳәарақәа ҳҽырҭаҳагӡоит", - иҳәоит анардадаҩ ихаҭарнак Шалико Хагуш.
Ашкол адиректор Инны Ҳалуашьԥҳа лажәақәа рыла ашкол аадыртызар аремонт азырымуцызт. Ашкол ҿыц иаднакылараны иҟоуп 600-ҩык аҵаҩцәа. Уажәазы уа аҵара рҵоит 150-ҩык.
Платон Шьаҟрыл ихьӡ зху лыхнытәи абжьаратә школ аҿгьы аремонт хацыркын 2017 шықәса рзы, иазоужьын 113 миллион мааҭ.
"Ахыбра акыр иқәсхьеит. Шьаҭанкыла ирӷәӷәатәхеит. Иахьазы аусурақәа рхыркәшара акгьы агым", - иҳәоит анардадаҩ ихаҭарнак Игор Циментиа.
Ашкол аартын 1981 шықәса рзы. Убри аахыс аремонт ҟарымҵацызт. Уажәы инханы иҟоу ашкол арԥшӡаратә усурақәа роуп. Аԥсны ахада иҳәеит иибаз игәы ишахәаз.
"Ашколқәа ремонт шыҟаҵоу шьахәуп. Ихадароу ашколқәа рышҭа хәыҷыла иҭәызароуп", - иҳәеит иара.
Лыхнытәи ашкол аҿы аҵарашықәс ҿыц алагара ауеит. Ара аҵара рҵоит 100-ҩык рҟынӡа ахәыҷқәа. ашкол 800-ҩык рҟынӡа аднакылар алшоит.
Иара убас шәаԥхьа ҟалоит:
- Очамчыра араион аҿы ашкол ҿыцқәа ҩба аадыртраны иҟоуп
-
Ҷкотуа: Гагратәи аԥсуа школ аргылара иарбоу аамҭа иахьаҳагӡоит
